قبل ما تبدأ تهلل و تفرح و ترقص أسأل نفسك : ماذا أريد من هذا الرجل ؟
قبل ما تشتم و تنتقد و ترفض و تعارض إسأل نفسك : على أى أساس هيكون تقييمى لهذا الرجل ؟
كلنا عارفين ان المرحلة الانتقالية كان هو صاحب القرار الحقيقى ..و لكنه كان بيتلكك انه مجرد وزير فى الوزارة
دلوقت هو فى المواجهة رسمى ..فماذا تريد منه تحديدا ؟
فيه ناس عايزة بس تاكل عيش ...و تأكل عيالها
و فيه ناس عايزة تحس بالامان ..الأمان المعنوى و الأمان المادى
و هم دول الطبقة الفقيرة من المجتمع
و فيه طبقة محققة دا فعلا ..يعنى ناس بتشتغل و بتاكل و تلبس و لاقيالها مأوى
بس شباب عايز يتجوز و عايز يجيب عيال و يكون اسرة
فيه ناس عايزة تعيش فى جو اجتماعى كويس ...و اكتر حاجة مضايقاها هو الانقسام المجتمعى الذى اصاب الاسر و الاحياء و الاصدقاء
عايزين يلموا الصدع الى حصل فى مجتمعنا ...و لن يحدث ذلك الا بإقرار العدل للجميع و رفع الظلم عن المظلومين المقهورين الى وصلوا فى كرههم الى كره مجتمعاتهم التى أيدت هذا الظلم و صفقت للظالم
و فيه ناس عايزة تحس انها عايشة فى بيئة اخلاقية سوية ...عايزة تحس انها محترمة و مقدرة ...بتطالب بالكرامة الانسانية ...مش عايزة تتهان من ضابط شرطة و الا موظف فى مصلحة حكومية و الا مدير فى شركة
و فيه ناس متميزة عايزة تحس ان بلدها تقدر الموهوبين و الناجحين و المتميزين و بتساعدهم على النجاح و بتستغل مواهبهم فى نهضة البلد بجد ..مش بلد بطفشهم و تخليهم يهجوا و يحققوا النجاح المطلوب خارج بلدهم فى حين انهم لما يدخلوها يحسوا انهم ولا حاجة
و فيه ناس بتدور على حريتها ...لان حريتهم تخلق الابداع ...بتدور على حرية منضبطة بالاخلاق و القيم و ليست منضبطة بآراء رجال الأمن و الداخلية
و أنت عايز إيه من السيسى ؟
ليست هناك تعليقات:
إرسال تعليق