سألتنى : ابنى فى المرحلة الثانوية و يريد أن يكمل تعليمه خارج مصر فبماذا تنصحينى ؟
هذا القرار يعتمد على عدة عوامل :
اولا شخصية الابن نفسه :
هل هو راجل يعتمد عليه ...يعنى شخصية مسئولة
و الا شخصية مستهترة و ضعيفة و أمعه
ثانيا : هل هو ناجح فى دراسته ؟
يعنى عنده القدرة و الرغبة انه يجتهد و ييجى على نفسه و يذاكر و الا مش بتاع مذاكرة
ثالثا : هل فى مخه طموح معين ؟ يعنى عايز يدرس حاجة معينة محددة و الا مفيش فى مخه هدف و الهدف انه يسافر و خلاص
رابعا : هل هتقدرى انتى على بعده عنك و هل هتتحكمى فى مشاعر القلق و النكد و الا هتنقليها ليه و تعيشيه فى قلق و توتر
خامسا : هل هيشتغل هناك و هيصرف على نفسه و الا انتوا هتتحملوا تكاليف تعليمه كاملة .و مدى امكانية ذلك
الدراسة فى الخارج بالطبع افضل من الدراسة فى عالمنا العربى بمراحل كتيرة اوى
و مستقبل الحصول على وظيفة بشهادة غربية أفضل بالطبع من الشهادة المحلية
و لو الطفل متميز ....نجاحه و تميزه هيكون أفضل بدل من بلدنا التى تقتل المواهب و المتميزين
ليست هناك تعليقات:
إرسال تعليق