أحد أسباب فشل الزواج فكرة أنانية للغاية تسيطر على الطرفين
البنت تقول انا هتجوز واحد علشان يدلعنى و يهنينى و يسعدنى و يخرجنى و يفسحنى و يحبنى و يشتريلى
والولد يقول انا هتجوز واحدة علشان تدلعنى و تريحنى وتأكلنى و تسكن شهوتى و تربيلى عيالى و تسعدنى
و كل واحد فيهم داخل الزواج منتظر التانى هيعمل له ايه ؟ و بيدور على سعادته هو
و طبعا طبيعى جدا ان مايلاقيش الى كان بيحلم بيه فيحبط و يكتئب لان كل واحد بيفكر فى نفسه
طب ما تيجو انتوا الاتنين تغيروا طريقة التفكير الانانية دى و نفكر بشكل أفضل
كل واحد يفكر أنا هسعد الطرف التانى ازاى؟
الزوج بدل ما يدخل البيت يقول ياترى مراتى عاملالى ايه النهارده
يفكر و يقول : انا هعمل ايه النهاردة علشان أسعد زوجتى و اولادى
و الزوجة بدل ما تعد منتظرة يا ترى جوزى هيعمل لى ايه النهاردة و تعد تحلم و تتخيل
تفكر و تقول : انا هعمل ايه النهاردة علشان أسعد حبيبى و ابو أولادى
لو انتم الاتنين اتفقتم على طريقة التفكير دى
انا اعتبرها أحد أهم أسرارالسعادة الزوجية
ان نتخلى عن أنانيتنا
ان نتوقف عن التوقعات و الانتظار من الطرف التانى
ان نملك مفتاح سعادتنا بايدينا و نسعد بما نمنحه للآخر
هتقدروا تعملوا كدة ؟
ليست هناك تعليقات:
إرسال تعليق