و دا بيعمينا عن رؤية عيوب قاتلة فى شخصية من نحب و نفضل نلتمس له الاعذار و عندنا امل كبير انه هيتصلح بعد الجواز و نتوقع انه يصلح نفسه ..
و بعدين بعد الزواج عندما يخبو الحب و يهدأ (بشكل طبيعى ) يبدأ العقل يشوف المشكلة على حقيقتها
زى الى بتحب واحد فاشل فى الشغل
او بيحب واحدة نكدية ودائمة الشكوى
الحب بعد الزواج غير الحب قبل الزواج
الحب قبل الزواج تسوده الرومانسية و تقل المسئولية ...
لكن الحب بعد الزواج تطغى المسئولية على الرومانسية و قد تقتلها
الرومانسية قبل الزواج تلقائية جدا لانها نابعة من عاطفة جياشة تهدأ العاطفة و الشغف و الرغبة بعد القرب
و تصبح الرومانسية عمل ارادى نحتاج ان نقدمه بالعقل وبالارادة ليس بشكل تلقائى كما كان يحدث قبل الزواج للحفاظ على هذا الحب و لوضع رصيد فى قلب الآخر
زى واحد مكانش يقدر يشوف دموع حبيبته و لازم يصالحها تلقائيا
بعد الزواج معندوش الرغبة دى لانها غلطت فيه فيبدأ يهملها و يطنشها
مع انه لازم ييجى على نفسه و يعمل كدة بشكل ارادى و لا يتركها لانه مش جايله نفس
والا واحدة كانت لما تلاقى حبيبها متعصب او متنرفز كانت بتهدأ و تحاول تهديه تلقائيا
دلوقت بقت بتتنرفز هى كمان و تعلى صوتها و يمكن تهينه ...المفروض انها تحافظ على ما كانت تفعله بشكل ارادى و لا تترك نفسها للتلقائية
الحب قبل الزواج يغير الانسان فعلا و يجعله فى اقصى صورة جميلة له ..ممكن مايكونش بيمثل ..بس فعلا الحب بيخليه يتغير كتير للافضل ..
فالحب طاقة تغييرية هائلة ..
و لكن عندما يهدأ شغف الحب تظهر الصورة الحقيقية بعيوبها و مميزاتها
الانسان لما بيحس انه محبوب بيكون سعيد و بيضحك و حاسس انه بيحب الدنيا كله ..لكن لما تهدأ مشاعر الآخر بيرجع نكدى و مكشر و قرفان من الدنيا كلها زى ماكان قبل الحب
قبل الزواج قد يسىء المحبون التواصل فيما بينهم و يتخانقوا كتير و لكن تعلقهم ببعضهم بيخليهم يسامحوا او يتنازلوا لانهم مش قادرين على البعد او خايفين من الفراق
احساسهم بعد الجواز انهم خلاص مش هيبعدوا عن بعض ..و انهم محبوسين فى القفص الى الابد بيخليهم يفقدوا قدرتهم على التسامح و التصافى و التنازل و اعادة المياة الى مجاريها
الجواز مش قفص و مش علاقة ابدية ...الجواز علاقة ارادية ..عايزين تستمروا فيها لازم تخلوها سعيدة انتم الاتنين
توقعات كل واحد فيهم بتكون عالية أوى ...فهو متوقع من التانى انه هيكون كذا و كذا و كذا ...و لما تنهار التوقعات بيحس بالاستياء و الألم ....و يبدأ التلاوم انت ازاى تعمل كذا ..و انت ازاى ماتعملش كذا ....فدا يحسس التانى انه فاشل ...و يفقده الثقة فى حب الآخر ليه
واحد متوقع من مراته ان مرتبها كله هيكون فى البيت و حاسس ان دا هو الحب ...وهى مش عايزه كدة ...فيبدأ يحس انها مش بتساعده و لا بتحبه
واحدة متوقعه انه هيفسحها كل اسبوع فسحة جميلة ..و حاسة ان دا هو الحب ...التانى مش قادر يفسح ...فتبدأ تحس انه مش بيحبها
عدم النضج النفسى والذى يجعل المحبين حاسين ان التانى دا موجود علشان يلبى كل احتياجاتى النفسية و العاطفية و علشان يسعدنى...مع عدم قدرة الطرف الآخر على فعل هذا ..فدايما حاسس باحباط
لو كل واحد ركز على التانى ...و ركز هو ممكن يسعد التانى ازاى ..
و بدل ما يفكر انا عايز ايه ..يفكر التانى عايز ايه ...ممكن المشكلة دى تتحل ..بس المهم تكون من الطرفين
ليست هناك تعليقات:
إرسال تعليق