مشكلة كبيرة تواجه الامهات و خاصة مع طفلها الأول و عدم خبرتها مع الاطفال
بتكون مش فاهمة هو المفروض يكون فاهم ايه فى السن دا
أو المفروض يكون بيعرف يعمل ايه فى كل مرحلة سنية بيمر بيها
او هو نظرته ايه للحياة الى حواليه فى كل مرحلة فى حياته
او هو عايز ايه محتاج ايه فى كل سن بيمر بيه
عدم فهم الأم بتخليها مش عارفة هى المفروض تربيه على ايه و تعمل له ايه تربويا (غير الرعاية الجسدية ) فى كل مرحلة من مراحل حياته
و بتبدأ تاخد خبرات اصدقاءها او والدتها أهو كلمتين من هنا و كلمتين من هنا و العيل بيكبر
مهم جدا جدا ان الأم الحديثة تقرأ فى علم نفس النمو أو علم نفس الطفولة علشان تقدر توجه ابنها بالشكل المناسب لسنه و تفكيره و مشاعره فى كل فترة من فترات حياته
الأمهات بتعمل مصايب بسبب سوء الفهم دا ...
و بعدين تشتكى ان ولادى مش بيسمعوا كلامى و هى الى مش عارفة توصل لتفكيرهم
مهم جدا كذلك علشان تعرف هل ابنها طبيعى و الا يعانى من مرض نفسى
امهات كتير جدا بتيجى تشتكى مر الشكوى من ابنها
و هى لاتعلم انه مريض أصلا
و ان الضرب و العقاب مش هيجيب نتيجة بالعكس بيجيب نتايج عكسية لانه مريض و محتاج علاج
وزى ما بتعرفى درجة الحرارة الطبيعية الى بعدها بيكون الطفل مريض
لازم تفهمى السلوك الطبيعى الى بعده بيكون الطفل مريض برده
يحتاج الآباء الى تعلم الكثير
وان قصرت الأم فوجب على الأب أن يبحث و يتعلم من أجل ابنائه
ولا يكتفى فقط بالقاء اللوم على الأم
و بدل ماهو قاعد على القهوة أو على الفيس ..
يسأل او يقرأ و يتعلم ..تربية أولادك مسؤوليتك انت ايضا
لو اتربوا غلط هيطلعوا ينكدوا عليك عيشتك انت كمان
ليست هناك تعليقات:
إرسال تعليق