يشكو الكثير من الآباء من جحود أبنائهم و عدم رضاهم عما يقدمونه لهم من ملابس و العاب و ادوات ومهما انفقوا عليهم مهما كثر
فالابن دايما متذمر و غير راضى
اسأل نفسك : هل اعتدت أنت على تقديم الشكر لابنك عندما يفعل أمر جيد ؟
هل اعتدت على تقدير ما يفعله من افعال خيرة
ان لم تقدم القدوة اولا ..فلا تطالبه بما لا تفعله انت
فمش هيحس بانه شاكر و ممتن ليك الا لو كنت انت نفسك كدة معاه و مع غيره
اشكر والدته على اى اكله او اى خدمة تقدمها ليك
اشكرى والده على انه جايب طلبات البيت و بيقضى مشاوير للبيت
اشكرى ابنك على انه ساعدك فى حاجة او جاب لك هدية
لما يلاقى الناس بتشكر بعض و بتقدر بعض ..هيتعلم الشكر و التقدير
الطفل الى كل طلباته مجابة غالبا بيكون طفل غير راضى نهائى ...
لانه اعتاد على ان كل ما يريده يحصل عليه و هذه هى الوسيلة الذى يشعر بها بحب والديه ...فانت من عودته على ذلك
وعندما يطلب و لا تستجيب له فانت لا تحبه
و ستستمر طلباته و سيغالى فيها مع الوقت ولن يرضى برده
ديما ما كنت اقول لأبنائى :
الدنيا مش هتديلك كل الى انت عايزه ..
و احنا بنربيك علشان تعرف تعيش فى الدنيا
احنا معانا فلوس و ممكن نجيب كل طلباتك
بس انت لازم تتعود على ان مش كل طلباتك مجابة
و علشان تحصل على ماتريده لازم تبذل مجهود ..هى الدنيا كدة
حط هدف دراسى ..هدف رياضى ..هدف تربوى ...و ابذل مجهود و الحاجة دى ممكن تجيلك كهدية او مكافأة
حوش من مصروفك و ضيق على نفسك فى الحلويات و باقى مصروفك و اشتر ما تريد
لازم تبذل مجهود علشان تحصل على ماتريد ..هى الدنيا كدة
و لما يبذل فيها مجهود و يشتريها هيحس بقيمتها و هيحافظ عليها و هتكون غالية عليه
الطفل الى كل طلباته أيضا غير مجابة يشعر بعدم الرضا لانه يرى اقرانه عندهم كذا و كذا و هو لايملك شيئ من هذا فبيحس بالنقص أدامهم
اعتدل فى الشراء وحط اولويات ..
فيه ضروريات مهم تكون معاه
و فيه رفاهيات و مش لازم تكون معاه
الطفل الى اتربى على المقارنة بينه و بين غيره ..
أو أن امه طول النهار تقارن نفسها بغيرها
او والده بيقارنه بفلان و علان .
.بيتعلم من صغره المقارنة و دايما يبص لما عند الآخرين و مش عنده
علم اولادك ان مش علشان فلان عنده كذا يبقى لازم تكون عندك
لان انت ممكن يكون عندك حاجة تانية هى مش عنده
لو جه ابنك يقولك اشمعنى فلان عنده كذا ..لا ترضخ لهذا الضغط و قلبك يوجعك
علمه بالا يقارن نفسه بأحد
و احنا لما بنشترى حاجة بنشتريها علشان احنا عايزينها مش علشان يكون عندى زى فلان ..دى فكرة غلط اصلا
حط حدود للشراء معاه :
لعبة كل شهر للاطفال الصغار
الملابس الجديدة فى مواسم الشتاء و الصيف و الاعياد فقط
الحلويات مش لازم كل ما نخرج نجيب حلويات
أى حاجة تيجى زيادة ..هاتها من مصروفك و ابذل فيها مجهود دا من أول سن المدرسة
و مادون ذلك يتعود ان مش كل حاجة بيطلبها لازم تيجى ...مهما عيط و زن و غضب اوعى يضغط عليك
ومش كل ما نخرج لازم يجيله حاجة ...لاتعوده على عادة و بعدين تشتكى
ليست هناك تعليقات:
إرسال تعليق