عملت كل حاجة ممكنة و مفيش فايدة
فكرة فى عقلك تسرق سعادتك كل يوم ...
و تحبطك دوما
و تقعدك عن إحداث اى تغيير فى حياتك
حط دايما فى مخك حديث الرسول صلى الله عليه و سلم ( مَا أَنْزَلَ اللَّهُ دَاءً إِلا أَنْزَلَ لَهُ شِفَاءً))
اى مشكلة فى الدنيا لها حل ...
لكن ساعات مايبقاش فى ايدينا الحل ...او لم نعثر عليه بعد ...
.ساعات الجهل وعدم سؤال أهل الخبرة فى ذلك ...
زى الى جاله مرض و لم يذهب الى الطبيب
و ساعات الطبيب بيوصف العلاج ..و المريض لا ينتظم عليه مللاََ او يأساََ فكيف يتم له الشفاء
و ساعات فيه امراض مش عارفين ليها علاج ...فبشتغل على نفسى بالتأقلم و التعايش معها و عدم وضعها فى بؤرة الاهتمام و محاولة تجاوزها
المهم ماتقولش ابدا مفيش فايدة ...لان الفايدة موجودة ...بس احنا الى مكسلين ندور و ساعات زهقانين ندور ...و ساعات يأسنا من كتر التدوير
لو أنا عايزة أحقق هدف ما بنسبة 100%....مجرد انى حققت منه 10% دا انجاز
لا توقف سعادتك على تحقيق الهدف كاملا ...
انظر دايما الى معدل الانجاز
دا هيخليك دايما تحس بالامل و ان فيه تقدم
ان كانت لديك عادات و اخلاق عايز تغيرها فى نفسك
ان كانت هناك عادات و اخلاق بتحاول تحد من اثرها او سلبياتها عند شريك حياتك
ان كنت تأمل فى صورة ما فى تربية اولادك
اوعى تقول مفيش فايدة ..
دايما دورعلى حلول و علاج ...و اصبرعليه مش على المشكلة نفسها
انت زوجة و ام تحتاجين الى الصبر الطويل ..و النفس الطويل لانك تتعاملين مع نفوس بشرية و ليست مع آلات بتتصلح اول ما تروح الصيانة
انت زوج و اب ...رجل مسئول ..و المسئول مسئول عن حل المشكلات التى تواجه اسرته ...المشاكل النفسية و الاجتماعية قبل المالية ..طول بالك و دور على اساليب جديدة فى العلاج
مفيش مشكلة فى الدنيا مالهاش حل ..
حطها دايما فى ذهنك و خليك على قناعة تامة بذلك
استعن بالله و لا تعجز....فقد استعاذ من هو أفضل منا من العجز و الكسل
ليست هناك تعليقات:
إرسال تعليق