اجعل دوما يوم الجمعة يوماََ مختلفاََ عن بقية أيام الاسبوع
انه يوم الاجازة
و ليس معنى الاجازة الكسل و النوم و الراحة
اكثر ما يعجبنى فى الأجانب و ماتعلمته منهم انهم يستمتعون دوما بيوم الاجازة
فيقضونه خارج البيت مع الاسرة أو مع الاصدقاء فى نشاط مختلف
التجديد مهم لاستعادة النشاط للعمل و الروتين اليومى
التجديد مهم لتجديد المشاعر بين أفراد الاسرة
خد الغذاء و خد ولادك و اقضوا ساعتين تلاتة فى احدى الحدائق العامة او على النيل او على البحر ..اخرج للطبيعة فانها تجدد الروح و القلب
العب مع ولادك و استمتع بضحكاتهم
هزر و العب مع مراتك و استمتع ببسمتها الى غابت عنها شهور
خد أجازة من التليفزيون و الموبايل الى اصبحوا مصدر للهم و النكد
و انت حبيبتى
حتى وان لم يوافق زوجك على الخروج
اجعليه يوما غير معتاد بعيد عن الروتين
اعملى طبخة جديده لو بتحبى الطبيخ او هاتوا اكل جاهز لو مش بتحبيه
شغلى اغنية راقصة و قومى ارقصى مع الاولاد لنص ساعة بس و استمتعوا بضحكاتكم مع بعض ...لو من زمان ما شفتيهاش
اعملوا خيمة من ملايات السرير و اقعدى تحتها مع الاطفال كانكم فى مخيم
اتفرجوا على فيلم كوميدى مع بعض
ادخلوا الحمام و اعدوا رشوا ماية على بعض
اطلعى سطح البيت بالليل مع ترمس شاى و استمتعى بمنظر السماء بالليل و العبوا و هيصوا مع اولادك
اعملى الخيمة دى فى سطح البيت و كانه كامب
زى ما يكون خرجتم بالظبط
المهم حاولى تخليه يوم جديد و تجديد ليكى و لأسرتك
فان القلوب و الارواح تصدأ وتحتاج دوما الى التجديد و قتل الرتابة
ليست هناك تعليقات:
إرسال تعليق