من أكثر ما يجلب الاحساس بالتعاسة محاولاتك المستمرة لاثبات انك صح ..
و ان رأيك صح
و ان قرارك صح
مش عيب ابدا الواحد يغلط ..فكل ابن آدم خطاء ...و دى طبيعة البشر
و ربنا ذكر لنا بعض اخطاء الانبياء ..علشان نتعلم ان الخطأ لا ينقص من قدر الانسان
ساعات بنخاف احسن نظهر اغبياء ..أو ضعفاء ....أو بنكون حساسين جدا للنقد
بالعكس الاعتراف بالغلط ..يعلى قدر الانسان .. أفضل من محاولة انكاره مع ان كل الناس عارفة انه غلط
مفيش انسان صح علطول ...و محاولاتك المستمرة لتبرير اخطائك بتعمل ضغط نفسى رهيب ...
و بتخليك حاسس من جواك بالذنب و بتعصب شريك حياتك كمان
فيه فرق بين سبب الغلط و الغلط نفسه ...حاول تفرق بينهم
يعنى حماتى كلمتنى بشكل وحش فرديت عليها رد غير مهذب ... انتى ارتكبتى غلط فى مقابل غلط
لكن أخطاء الآخرين ليست حجة فى وقوعك فى نفس الغلط ...
أصل هى الى بدأت بالغلط ....مش هتعرفى تقولى كدة أدام ربنا لما ييجى يحاسبك اعترفى بالخطأ ...و اذكرى سببه و ما دفعك اليه دون محاوله لتبريره
أنا أخطأت فى كذا ...و مادفعنى له كذا
محاولات التبرير المستمرة تظهرك انك عنيدة و تخلى زوجك دايما يتعصب عليك أكتر لكن اعترافك باخطائك و اعتذارك لمن اخطأت فى حقه ..هيريح ضميرك انت أولا ...و يريح قلبك ... و هيحسس الآخرين برقيك و رقى اخلاقك بالفعل
لما تكون متضايق فى الشغل و تطلع عصبيتك على زوجتك دا تصرف غلط
ماتعدش تبرر غلطك ..و تطلعها هى الى غلطانه ..دا ظلم ليها و ربنا هيحاسبك على الظلم دا
اعترف بغلطك علشان تقدر تسامح و تغفر
محاولاتك القاء اللوم عليها تظهرك انك ظالم و عنيد و متكبر و متسلط و تخليها تتعصب هى كمان مع الوقت و ترد عليك
اعترافك هيراضيها و يهديها و يخليها تقدر تستحمل نوبات عصبيتك
ليست هناك تعليقات:
إرسال تعليق