قومى ببعض الأعمال اللطيفة للآخرين مهما كانت بسيطة ..
خليها بشكل يومى
لو لسة بنوتة لم تتزوجى بعد
هاتى لاخوك الصغير حاجة حلوة او لعبة بسيطة
ادخلى اعملى لمامتك المواعين
اكوى لاختك هدومها
حضرى لاخوك ساندوتش
ابعتى لصحبتك رسالة رقيقة
و لو متزوجة ..
اعملى حاجة مش متعودة تعمليها قبل كدة
اعملى ساندوتشات لزوجك و هو رايح الشغل بحاجة بيحبها
ابعتيله رسالة فى وسط اليوم
احضنى ابنك و قوليله انا بحبك اوى
اتصلى بوالدتك و قوليلها وحشتينى
ساعدى زميلتك فى الشغل
دا هيخليك انت نفسك سعيدة لانك كدة بتجاهدى انانية و شح النفس و الاحساس بالغيرة و النقد المستمر للآخرين ( وَمَنْ يُوقَ شُحَّ نَفْسِهِ فَأُولَئِكَ هُمُ المفلحون)
بتشيلى أى غضب أو ألم فى نفسك من هذا الانسان عندما تقابلين السيئة بالحسنة ( وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ )
بتدى انطباع جميل عنك انك انسانة لطيفة مش كدة بس ..
دا أنت كمان بتسعدى الى حواليك ...و لما بتشوفى سعادتهم بتسعدى
بس أوعى تعملى الحاجة و انت منتظرة المقابل ...لان دا ممكن يجلب لك التعاسة
لو كان رد الفعل مخالف لما توقعتى
اسعدى دايما بالفعل نفسه و ليس برد فعل الآخرين
قولى دايما لنفسك ...انا سعيدة بانى عملت كدة ...بغض النظر عن رد فعل المقابل ...اسعدى بالعمل نفسه ..اسعدى بنفسك
ليست هناك تعليقات:
إرسال تعليق