كونك زوجة و أم مش معنى كدة إن دورك فى الحياة توقف عند هذا الحد لازم توجدى ليكى دور فى مجتمعك
لو كنت بتشتغلى يبقى كتر خيرك كفاية عليكى الشغل
لكن لو مش بتشتغلى لازم تدورى على حاجة تانية تعمليها خارج نطاق الأمومة و الزوجية
التفرغ التام لهذا الدور فقط من أسباب تعاستك ....لعدة اسباب
بتكونى مركزة أوى مع زوجك ..و منتظرة منه الكتير ..
منتظرة يملا عليك حياتك .. و فى الواقع هو لايمنحك كل ما تريدين و مستحيل هيملا عليك حياتك ...خليك واقعية
لانه على الاقل بيقضى 8 ساعات يوميا فى شغله و حتى لو رجع محتاج دعم نفسى و معندوش استعداد يعطى هذا الدعم
و حتى لو قاعد فى البيت فترات طويلة فهو حاضر بجسده فقط دون عقله و مشاعره الى ممكن تكون فى الشغل او فى السياسة او فى الكورة او فى الدعوة اوفى الفيديو جيم اى اهتمامات تانية
و أقصى ما يستطيع منحه لك هو ساعة الى ساعتين فى اليوم بالكتير
فدايما حاسة بالاحباط و الكآبة لانك حاسة انه كل حياتك و منتظراه منه يملاها ...
و انت بالنسبة ليه مجرد جزء من حياته
شغل البيت لو ست منظمة فى تفكيرها لايستغرق وقت طويل دلوقت ..
فالغسالة اتوماتيك و الاكل اغلبه مجهز و التنظيف بالمكنسة سريعا
الأولاد قد يستهلكوا كتير أوى من جهدك و خاصة لو صغيرين محتاجين رعاية على مدار اليوم ...و لو كبروا شوية يبقى المذاكرة و التدريبات
لكن للاسف هم دايما مصدر للكآبة باخطاءهم الصغيرة المتتالية و عنادهم و عدم سماع الكلام و التربية بتحتاج سنين طويلة علشان تشوفى نتايجها ...يعنى غالبا برده هم مش مصدر سعادة ليكى
لو مش بتشتغلى حاولى تلتحقى بأى عمل تطوعى ...الجمعيات الخيرية منتشرة فى كل مكان
العمل التطوعى ليه عدة فوائد :
أولا :بتتعرفى على مجموعة من الاصدقاء بتقابليهم و بتشتغلى معاهم و تاخدى خبراتهم و ممكن يكونوا داعمين كمان ليكى
ثانيا : فى ظل الاكتئاب السياسى الى احنا عايشينه بتحسى انك بتقدمى حاجة للناس مش مجرد ولولة على الفشل
ثالثا : مجرد مساعدتك باى عمل تطوعى هيحسسك بالانجاز و انك بتعملى حاجة مفيدة بتشوفى نتايجها سريعا
رابعا : بيزود مهاراتك الاجتماعية و العاطفية و الادارية ....بحيث لو احتجت للشغل لاى سبب العمل التطوعى يكسبك خبرة كبيرة
خامسا :بتحسى فعلا ان حياتك مثمرة و ليها قيمة ...حتى لما يكبر الاولاد و يستغنوا عن خدماتك بتلاقى فى حياتك حاجة تعمليها و عطاء ممكن تقدميه ..
بدل ما تفضلى عاملة زى الامهات العجوزة الى تفضل حمل تقيل على اولادها
دا طبعا غير الثواب من ربنا جل و علا و دا موضوع كبير
خلى ليكى دايما دور فى مجتمعك ...دا هيكسبك خبرات و ينضج شخصيتك ...و هتحسى انك بتعملى حاجة للناس فى الايام البيضا دى
جربى و مش هتندمى
لو كنت بتشتغلى يبقى كتر خيرك كفاية عليكى الشغل
لكن لو مش بتشتغلى لازم تدورى على حاجة تانية تعمليها خارج نطاق الأمومة و الزوجية
التفرغ التام لهذا الدور فقط من أسباب تعاستك ....لعدة اسباب
بتكونى مركزة أوى مع زوجك ..و منتظرة منه الكتير ..
منتظرة يملا عليك حياتك .. و فى الواقع هو لايمنحك كل ما تريدين و مستحيل هيملا عليك حياتك ...خليك واقعية
لانه على الاقل بيقضى 8 ساعات يوميا فى شغله و حتى لو رجع محتاج دعم نفسى و معندوش استعداد يعطى هذا الدعم
و حتى لو قاعد فى البيت فترات طويلة فهو حاضر بجسده فقط دون عقله و مشاعره الى ممكن تكون فى الشغل او فى السياسة او فى الكورة او فى الدعوة اوفى الفيديو جيم اى اهتمامات تانية
و أقصى ما يستطيع منحه لك هو ساعة الى ساعتين فى اليوم بالكتير
فدايما حاسة بالاحباط و الكآبة لانك حاسة انه كل حياتك و منتظراه منه يملاها ...
و انت بالنسبة ليه مجرد جزء من حياته
شغل البيت لو ست منظمة فى تفكيرها لايستغرق وقت طويل دلوقت ..
فالغسالة اتوماتيك و الاكل اغلبه مجهز و التنظيف بالمكنسة سريعا
الأولاد قد يستهلكوا كتير أوى من جهدك و خاصة لو صغيرين محتاجين رعاية على مدار اليوم ...و لو كبروا شوية يبقى المذاكرة و التدريبات
لكن للاسف هم دايما مصدر للكآبة باخطاءهم الصغيرة المتتالية و عنادهم و عدم سماع الكلام و التربية بتحتاج سنين طويلة علشان تشوفى نتايجها ...يعنى غالبا برده هم مش مصدر سعادة ليكى
لو مش بتشتغلى حاولى تلتحقى بأى عمل تطوعى ...الجمعيات الخيرية منتشرة فى كل مكان
العمل التطوعى ليه عدة فوائد :
أولا :بتتعرفى على مجموعة من الاصدقاء بتقابليهم و بتشتغلى معاهم و تاخدى خبراتهم و ممكن يكونوا داعمين كمان ليكى
ثانيا : فى ظل الاكتئاب السياسى الى احنا عايشينه بتحسى انك بتقدمى حاجة للناس مش مجرد ولولة على الفشل
ثالثا : مجرد مساعدتك باى عمل تطوعى هيحسسك بالانجاز و انك بتعملى حاجة مفيدة بتشوفى نتايجها سريعا
رابعا : بيزود مهاراتك الاجتماعية و العاطفية و الادارية ....بحيث لو احتجت للشغل لاى سبب العمل التطوعى يكسبك خبرة كبيرة
خامسا :بتحسى فعلا ان حياتك مثمرة و ليها قيمة ...حتى لما يكبر الاولاد و يستغنوا عن خدماتك بتلاقى فى حياتك حاجة تعمليها و عطاء ممكن تقدميه ..
بدل ما تفضلى عاملة زى الامهات العجوزة الى تفضل حمل تقيل على اولادها
دا طبعا غير الثواب من ربنا جل و علا و دا موضوع كبير
خلى ليكى دايما دور فى مجتمعك ...دا هيكسبك خبرات و ينضج شخصيتك ...و هتحسى انك بتعملى حاجة للناس فى الايام البيضا دى
جربى و مش هتندمى
ليست هناك تعليقات:
إرسال تعليق