سألتنى : عندى ولد و بنت فى سن الجامعة ...المشاكل بينهم لاتنتهى ...فهل يؤثر ذلك على علاقاتهم فى المستقبل
نعم يؤثر قدرة ابنائك على التعايش مع بعضهم بالرغم من الاختلافات الكبيرة بينهم بتحدد الى حد كبير قدرتهم على التعايش مع شريك حياتهم فى المستقبل
البنت الى دايما عاملة مشاكل مع اخواتها الاولاد بيبقى طبيعة شخصيتها فيها مشكلة تمنعها من التواصل الناجح مع من تعيش معهم ...
و لو لم تكتشف هذه المشكلة فى شخصيتها و تعالجها هتسبب لها مشكلة مع زوجها مستقبلا
و الولد الى بيتعامل مع أخته بعدم احترام و مراعاة ليها ..غالبا هيكون طريقته كدة فى التعامل مع زوجته و هيعانى من نفس المشكلة مستقبلا
قدرتك على التواصل الفعال و الناجح مع الجنس الآخر بتتحدد بتواصلك مع أختك أو اخوك ..
دا اختبارك الحقيقى دلوقت علاقاتك بالجنس الآخر خارج اطار البيت بتبقى مفيش فيها احتكاك كبير ..
و ممكن تكون ظريفة و لطيفة و ماشية زى الفل
لكن المشاركة فى الحياة مختلفة تماما
بدليل ان ممكن اتنين يعدوا يحبوا فى بعض سنين طويلة و مفيش بينهم مشاكل كبيرة و اول ما يتم الزواج تحصل بينهم مشاكل تؤدى الى الطلاق
الاختبار الحقيقى من الاحتكاك اليومى و المتواصل و المشاركة فى تفاصيل الحياة هو دا الى يحدد مدى نجاحك فى علاقتك
ليست هناك تعليقات:
إرسال تعليق