قالت : السعادة فى إن الدنيا تسيبنى فى حالى
قلت : الدنيا مستحيل هتسيبك فى حالك لإنك عايشة فيها و جواها بس انت لو سبتيها و طنشتيها هى دى السعادة
عارفة زى واحد راكب قطر بشع
الكراسى مكسرة
و الشبابيك مفتوحة و مش بتقفل
و الأرض مش نظيفة
والناس حواليه شكلهم وحش
طول ما أنت قاعدة فى الرحلة بصة على الحاجات دى أعصابك هتتعب و لن تستمتعى بالرحلة
بس لو حاولتى تدورى على أى ايجابيات و تركزى عليها
الحمد لله ان القطر بيمشى
الحمد لله انى لاقية مكان اقعد فى الزحمة دى
الحمد لله ان فيه أكل ممكن يتاكل
الحمد لله ان فيه واحدة كويسة أهى ممكن أروح اقعد جنبها و أتجاذب معاها اطراف الحديث لحد مانوصل
معايا كتاب ممتع ممكن اقرأ فيه
اشغل نفسى و أبص على جمال الخضرة و الطبيعة الى شايفاها من الشباك
احلم و اتخيل المكان الى هوصل له و هعمل فيه ايه
المهم انى دايما أخلى تركيزى فى الحلو لحد ما أوصل للمكان الجميل الى هوصل له
هى دى الدنيا لو ركزت على الوحش فيها هتبقى دايما حاسس بالتعاسة
لكن لو ركزت على الجميل و استمتعت بيه هتلاقيها دايما حلوة
ليست هناك تعليقات:
إرسال تعليق