لازم نفرق بين النتائج الدنيوية و النتائج الاخروية
الغاية هى ربنا فى كل حركاتنا و سكناتنا ( قل ان صلاتى و نسكى و محياى و مماتى لله رب العالمين ) دا علشان الثواب الاخروى
لكن النتائج الدنيوية هى الهدف ..النتائج الايجابية الى انت عايز توصل ليها فى هذه الدنيا
ما ينفعش واحد يتحرك فى حياته يتطلع فقط للنتائج الاخروية ...لانه ممكن يتحرك غلط ...و هى نيته طيبة
زى واحد بيتعلم علشان يكسب ثواب العلم ... بس ممكن يذاكر بطريقة غلط ما تجبش نتائج كويسة
واحد بيشتغل علشان العمل عبادة بس بيشتغل شغلانة مالهاش مستقبل ...ولا بيطور نفسه علشان يشوف شغلانة تانية
واحد بيربى ولاده علشان يدخل الجنة فيهم بس لازم التربية تكون ماشية صح علشان نخرج انسان ناجح و سعيد
لابد للعمل ..من نية (انما الاعمال بالنيات ) علشان تكسب ثوابها الاخروى و لابد للعمل من أهداف ...علشان تسكب ثوابه الدنيوى و لا تكون من الذين ضل سعيهم فى الحياة الدنيا و هم يحسبون انهم يحسنون صنعا
من الكلمات الى بتنرفزى جدا جدا جدا ( لو صدقت النوايا لاحسنوا العمل ) العمل الناجح يحتاج الى علم ....و ليس الى نوايا
و صدق النوايا مع الجهل ...ممكن يعمل مصايب
النوايا الطيبة وحدها لاتصلح الدنيا (عماره الارض )
و النجاح وحده لايصلح الآخرة ( عمارة الجنة )
ليست هناك تعليقات:
إرسال تعليق