لو صدقت النوايا لأحسنوا العمل

لازم نفرق بين الغاية و بين الهدف

 لازم نفرق بين النتائج الدنيوية و النتائج الأخروية

 الغاية هى ربنا فى كل حركاتنا و سكناتنا ( قل ان صلاتى و نسكى و محياى و مماتى لله رب العالمين ) ..دا علشان الثواب الاخروى

 لكن النتائج الدنيوية هى الهدف ..النتائج الايجابية الى انت عايز توصل ليها فى هذه الدنيا

 ما ينفعش واحد يتحرك فى حياته يتطلع فقط للنتائج الاخروية ...لانه ممكن يتحرك غلط ...و نيته طيبة

 زى واحد بيتعلم علشان يكسب ثواب العلم ... بس ممكن يذاكر بطريقة غلط ما يجبش نتائج كويسة

واحد بيشتغل علشان العمل عبادة بس بيشتغل شغلانة مالهاش مستقبل و امكاناته و نتايجه فى شغله ضعيفة و غير متقنة  ...ولا بيطور نفسه و لا بيدور على شغل تانى 

 واحد بيربى ولاده علشان يدخل الجنة فيهم بس لازم التربية تكون ماشية صح علشان تخرج انسان ناجح و سعيد

لابد للعمل ..من نية (انما الاعمال بالنيات ) علشان تكسب ثوابها الاخروى

 و لابد للعمل من أهداف ...علشان تسكب ثوابه الدنيوى

و لا تكون من الذين ضل سعيهم فى الحياة الدنيا و هم يحسبون انهم يحسنون صنعا

 من الكلمات الى بتنرفزى جدا جدا جدا ( لو صدقت النوايا لأحسنوا العمل ) العمل الناجح يحتاج الى علم و خبرة ....و ليس الى نوايا فقط

 و صدق النوايا مع الجهل ...ممكن يعمل مصايب

 النوايا الطيبة وحدها لاتصلح الدنيا (عماره الارض ) و النجاح وحده لايصلح الآخرة ( عمارة الجنة )