الكثير من الآباء يشعر انه يربى أبناءه علشان يتفشخر بيهم أدام الناس
هذا هو هدفه الأساسى
أو علشان يحس بالانجاز و النجاح الى هو معرفش يحققه فبيضغط على ولاده علشان يحققوا ليه الى هو فشل فيه
أو أم حاسة ان كل حياتها منصب على ولادها و إن انجازها الوحيد فى الحياة هو أولادها فعايزاهم دايما متميزين و شاطرين فى كل حاجة علشان تحس بذاتها
ساعات المربى الى كدة بيكون عايش فى مقارنة مستمرة بين ولاده وولاد الآخرين
و دا عامل عليه ضغط نفسى شديد مخليه يضغط على أولاده أكتر و أكتر
فأولاد فلان شاطرين فى المدرسة ..يبقى لازم ولادى يكونوا شاطرين
ولاد الجيران متفوقين فى رياضة معينة ...يبقى لازم ولادى يتفوقوا فى رياضة ما
ولاد صحبى حفظوا القرآن ..يبقى لازم ولادى يحفظوا القرآن
ولاد أختى مؤدبين و هاديين ..يبقى لازم ولادى يبقوا هاديين
ولاد فلان بيروحوا دروس رسم و خط ...يبقى لازم ولادى يروحوا زيهم
ولاد علان بيروحوا دروس عزف ..يبقى لازم ولادى يروحوا كمان
و ياسلام لما تشتغل الغيرة بين النساء و يدخلوا أولادهم فى معركة الغيرة و مين أولادها أفضل من التانية
و تعد كل واحدة تفتخر بانجازات ولادها بالكذب كمان
ابناءك مختلفون عن غيرهم ..دى حقيقة لازم تعترف بيها
و الاختلاف دا معناه انهم احسن فى جانب و اضعف فى جانب تانى ..دى الحقيقة
لأن جيناتهم الوراثية الى أخدوها من حضرك مختلفة ..
يعنى مثلا الذكاء و النباهة هيجيبوها منين ؟؟
لو حضرتك كنت مش شاطر أوى فى المدرسة فغالبا هيطلعوا هم كمان كدة ..
لانك بتورثهم جينات الذكاء اللغوى و المنطقى
و بتذاكر لهم بنفس الطريقة الغلط الى كنت حضرتك بتذاكر بيها
دا لو كنت بتذاكر أصلا
و لأن شخصية حضرتك مختلفة عن الآباء الآخرين
فانت عصبى و طول النهار تشتم و تهلل فى البيت ...عايزهم يطلعوا هاديين ازاى يعنى ؟
و مدرسة ولادك غير مدرسة ولاد الناس ...
واصحابهم مختلفين
و الحاجات الى بيتفرجوا عليها فى التليفزيون مختلفة
واولاد غيرك ممكن يكون عندهم موهبة رياضية او فنية فطرية وولاد حضرتك معندهمش
لا تقارن ولادك بالآخرين ...لأن ولادك مختلفين عن الآخرين
دا حتى ولادك مختلفين عن بعضهم البعض ...فردود افعالهم تجاه ظروفهم تختلف
يعنى لو انت انسان حساس ..هتلاقى طفل حساس و طفل جبلة
لو انت انسان ذكى ...ممكن تلاقى واحد من ولادك طالع ذكى زيك وواحد تانى طالع لشريك حياتك
قاعد تقطم فيه طول النهار انه غبى فطلع غبى زى ما انت بتقول له
لو انت واحد منظم جدا ...ممكن تلاقى ولد طالع لك ..وولد تانى فى منتهى الفوضى كرد فعلا لعدوانك المستمر عليه بسبب انه مش منظم
الاطفال مش زى بعضها
افهم طبيعة طفلك المختلفة والمتفردة و استوعبها كويس
و لا تقارنهم أبدا بالآخرين لأن دا هيعمل ضغط دايم عليك ..
و على أولادك كمان
و مش لازم ولادك يكونوا ناجحين و متميزين فى كل حاجة
و مش لازم تخليهم يشتركوا فى كل الانشطة الى فى الدنيا و تضغط وقتك ووقتهم و تضغط على اعصابك و اعصابهم
ممكن كل سنة يجربوا نشاط لحد ما تعرف و تكتشف نقاط تميزهم و الحاجة الى هم حبوها اكتر
لو قدرت انك تخليهم ناجحين و متميزين فى حاجة واحدة بس
يبقى عملت فيه اكبر معروف فى حياتك ...
لان غالبا الاتجاه دا هو الى هيحدد مستقبلهم الناجح بعد كدة
هذا هو هدفه الأساسى
أو علشان يحس بالانجاز و النجاح الى هو معرفش يحققه فبيضغط على ولاده علشان يحققوا ليه الى هو فشل فيه
أو أم حاسة ان كل حياتها منصب على ولادها و إن انجازها الوحيد فى الحياة هو أولادها فعايزاهم دايما متميزين و شاطرين فى كل حاجة علشان تحس بذاتها
ساعات المربى الى كدة بيكون عايش فى مقارنة مستمرة بين ولاده وولاد الآخرين
و دا عامل عليه ضغط نفسى شديد مخليه يضغط على أولاده أكتر و أكتر
فأولاد فلان شاطرين فى المدرسة ..يبقى لازم ولادى يكونوا شاطرين
ولاد الجيران متفوقين فى رياضة معينة ...يبقى لازم ولادى يتفوقوا فى رياضة ما
ولاد صحبى حفظوا القرآن ..يبقى لازم ولادى يحفظوا القرآن
ولاد أختى مؤدبين و هاديين ..يبقى لازم ولادى يبقوا هاديين
ولاد فلان بيروحوا دروس رسم و خط ...يبقى لازم ولادى يروحوا زيهم
ولاد علان بيروحوا دروس عزف ..يبقى لازم ولادى يروحوا كمان
و ياسلام لما تشتغل الغيرة بين النساء و يدخلوا أولادهم فى معركة الغيرة و مين أولادها أفضل من التانية
و تعد كل واحدة تفتخر بانجازات ولادها بالكذب كمان
ابناءك مختلفون عن غيرهم ..دى حقيقة لازم تعترف بيها
و الاختلاف دا معناه انهم احسن فى جانب و اضعف فى جانب تانى ..دى الحقيقة
لأن جيناتهم الوراثية الى أخدوها من حضرك مختلفة ..
يعنى مثلا الذكاء و النباهة هيجيبوها منين ؟؟
لو حضرتك كنت مش شاطر أوى فى المدرسة فغالبا هيطلعوا هم كمان كدة ..
لانك بتورثهم جينات الذكاء اللغوى و المنطقى
و بتذاكر لهم بنفس الطريقة الغلط الى كنت حضرتك بتذاكر بيها
دا لو كنت بتذاكر أصلا
و لأن شخصية حضرتك مختلفة عن الآباء الآخرين
فانت عصبى و طول النهار تشتم و تهلل فى البيت ...عايزهم يطلعوا هاديين ازاى يعنى ؟
و مدرسة ولادك غير مدرسة ولاد الناس ...
واصحابهم مختلفين
و الحاجات الى بيتفرجوا عليها فى التليفزيون مختلفة
واولاد غيرك ممكن يكون عندهم موهبة رياضية او فنية فطرية وولاد حضرتك معندهمش
لا تقارن ولادك بالآخرين ...لأن ولادك مختلفين عن الآخرين
دا حتى ولادك مختلفين عن بعضهم البعض ...فردود افعالهم تجاه ظروفهم تختلف
يعنى لو انت انسان حساس ..هتلاقى طفل حساس و طفل جبلة
لو انت انسان ذكى ...ممكن تلاقى واحد من ولادك طالع ذكى زيك وواحد تانى طالع لشريك حياتك
قاعد تقطم فيه طول النهار انه غبى فطلع غبى زى ما انت بتقول له
لو انت واحد منظم جدا ...ممكن تلاقى ولد طالع لك ..وولد تانى فى منتهى الفوضى كرد فعلا لعدوانك المستمر عليه بسبب انه مش منظم
الاطفال مش زى بعضها
افهم طبيعة طفلك المختلفة والمتفردة و استوعبها كويس
و لا تقارنهم أبدا بالآخرين لأن دا هيعمل ضغط دايم عليك ..
و على أولادك كمان
و مش لازم ولادك يكونوا ناجحين و متميزين فى كل حاجة
و مش لازم تخليهم يشتركوا فى كل الانشطة الى فى الدنيا و تضغط وقتك ووقتهم و تضغط على اعصابك و اعصابهم
ممكن كل سنة يجربوا نشاط لحد ما تعرف و تكتشف نقاط تميزهم و الحاجة الى هم حبوها اكتر
لو قدرت انك تخليهم ناجحين و متميزين فى حاجة واحدة بس
يبقى عملت فيه اكبر معروف فى حياتك ...
لان غالبا الاتجاه دا هو الى هيحدد مستقبلهم الناجح بعد كدة
ليست هناك تعليقات:
إرسال تعليق