ايوة طبعا
ممكن اوى الحب ييجى بعد الزواج
الناس زمان مكانوش بيحبوا بعض اصلا قبل الزواج
يعنى الرسول صلى الله عليه و سلم ماحبش السيدة خديجة و الا عائشة الا بعد الزواج
سيدنا على ماحبش فاطمة الا بعد الزواج
طبعا ممكن ييجى الحب بعد الزواج
بس دا يعتمد تماما على أخلاق الاتنين و حسن تعاملهم مع بعض
الانسان الخلوق الذوق بيبقى محبوب من اى حد بيعاشره
بعد كدة رغبتهم الحقيقية فى كسب حب بعض
يعنى هل يعملون على تنمية هذا الحب فى قلب بعضهم و الا اتجوزوا خلاص و مش ناويين ينمو الحب دا ؟ و لا بيفكروا فيه اصلا
الحب مش هييجى و انت قاعد مستنيه
كل واحد منتظر التانى هيعمل ايه
كل واحد فيكم عليه يبذر بذور الحب فى قلب الآخر و يرويها و يراعيها لحد ما تكبر
مش قاعد حاطت ايده على خده و منتظر الحب ينزل من السما على قلبه و على قلب شريك حياته
الستات اللعوب الى شفناهم فى الافلام او فى الحقيقة لو عايزة راجل يحبها بتجرى وراه لحد ما تكسب حبه
و الراجل لما يكون معجب بواحدة بيعمل العمايل علشان يلفت نظرها و يوقعها فى حبه
مش بدال اتجوزتوا يبقى خلاص
بدل ما تشتغلوا فى الحرام
اشتغلوا فى الحلال ووقعوا بعض فى الحب
و الله هتلاقوا الحلال ألذ ألذ ألذ
ليست هناك تعليقات:
إرسال تعليق