قالت : ازاى اسمع ابنى الرضيع بيبكى و لا اجرى عليه ؟
فيه حبيبتى انواع كتير من بكاء الرضيع ..و دى هتتعلميها بالتجربة
فيه بكاء يدل على انه محتاج حاجة فعلا ..جائع ...حاسس بالبرد او الحر ..محتاج انه يغير ..عايز ينام و مش عارف ينام ..عنده مغص او امساك
و دى لازم فيها نلبى طلبات الطفل و نحضنه و نحول تهدئته و نريحه و نلبى طلباته و بعدين نحطه فى سريره حتى لو صاحى
لكن فيه امهات طول ما ابنها صاحى و هى شايلاه ...اى صوت يصدر منه تشيله و تحضنه
لحد ما بيتعود انه لازم تكون شايلاه
و دا بيعمل لها توتر شديد ..و بيخلى حياتها متوقفة مش عارفة تعمل حاجة ابدا فى بيتها و لا حياتها
لبى طلبات الرضيع بمنتهى الحب و الرحمة ...و بعدين خليه طول الوقت على سريره طالما مش بيعيط بكاء شديد
حتى لو بيبكى بدون سبب واضح ...خليكى جنبه وهو برده على سريره .امسكى ايده ..لاعبيه ...سمعيه صوتك ...وهو على سريره و بعدين سيبيه و شوفى شغلك
ليست هناك تعليقات:
إرسال تعليق