الطفل من صغره ..من أول مايفهم و يعرف إزاى يخدم نفسه ..
من بدايات سن تلات الى اربع سنوات
لازم يتعلم كيف يكون مسئول عن نفسه
يأكل نفسه ..يلبس نفسه ...يعمل بنفسه الحمام ...يلعب باللعب و يعيدها الى مكان اللعب تانى
لو وقع أكل أو عصير أو حاجة على الأرض يلمها و ينضف بعديه ..و بعدين انت نضفى باتقان بعدها .المهم يتعلم انه يتحمل نتيجة اخطاؤه
لو كسر حاجة أو بوظ حاجة يحاول يصلحها ...لو مش هيؤذيه
لما يكبر شوية فى سن ابتدائى لازم يتدرب على انه يرتب حجرته و كتبه و ملابسه وينظفها ..
.قاومى بشدة الاحساس بالاستسهال و انك تعملى انت اسهل ...
مش الهدف ان الاودة تترتب ....الهدف انه يتعلم يتحمل مسئولية أعماله و اشياءه
التربية مش من أول مرة هيستجيب ..التربية عايزة تعويد و تدريب و مرة و اتنين و عشرة لحد ما يرسخ فى ذهنه المبدأ و يتعود على تحمل مسئولية نفسه و حجرته على الأقل
ماتقوليش دا ولد ...دى مهمة البنات ...بلاش دلع ماسخ
البنت دلوقت بتشتغل زى الولد ..و الولد لازم يتعلم شغل البيت زيه زى البنت
ما تقوليش بقول و مش بيعمل ....هيعمل بالاقناع و التفاهم مرة ....و بفرض عقوبات مرة ...و هيعمل علشان ما يزعلكيش مرة ...و علشان هو معدش طايق الزبالة الى هو عايش فيها مرة ....اوعى تنهارى ادام منظر الاودة ...خليه يتحمل نتيجة اهماله
بس اصبرى و حطى الهدف فى مخك ...لا ترتبى حجرته بل علميه و دربيه كيف يرتبها هو
و كما قلنا سابقا اجعلى دوما شعارك فى التربية ..لا تطعمنى سمكة و لكن علمنى كيف اصطادها
ليست هناك تعليقات:
إرسال تعليق