الطفل بيبقى عايز يمسك كل حاجة حواليه لأنه بيبقى عنده حب استطلاع .
.فلا تحرميه انه يتعرف على الحاجة الا لو خطر ..زى الكهربا و السكاكين و المقصات مثلا
لو الطفل عايز يمسك مثلا اكسسوارات البيت او ادوات المطبخ او علب الميك أب
خليه يمسكها و انت جنبه علشان ماتتكسرش..خليه يتعرف عليها و علميه دى ايه
قوليله اسمها كذا ...و خليه يردد اسمها لو بدأ يتكلم
لونها كذا (هتعلميه الالوان )
ملمسها كذا (ناعم او خشن )
اسمع صوتها كدا لو حاجة بتعمل صوت ..
و بعدين وريه بنعمل بيها ايه ...
و لو بيبى لسة تلاقيه بيحط الحاجة فى بقه علشان يعرف طعمها
عرفيه على الحاجات الى حواليه ...و طورى حواسه ...و علميه كلمات جديدة ..بدل ما انت قاعدة طول النهار تزعقى و تهللى لانه بيمسك كل حاجة ..
طول ماهو مش عارف دى ايه و شايفها أدامه ..و بيتمنع منها طول ماهو عايز يمسكها و يتعرف عليها و هيجننك
خليه يتعرف على الحاجة أدامك بدل ما يتعرف عليها من وراك و تبقى العواقب وخيمة
ليست هناك تعليقات:
إرسال تعليق