صديقى المحترم
قالت : لى صديق على الفيس محترم جدا
نتحدث كثيرا بشكل يومى فى موضوعات عامة
و يستشيرنى فى مشكلاته و استشيره فى مشكلاتى
حبيبتى :
علاقة الصداقة علاقة جميلة و رائعة
مش هكلمك عن خطورة العلاقات دى
و مش هكلمك عن كم المشاكل الى بتجيلى و بتبدأ كدة بالظبط
هسألك بس شوية اسئلة و انا عارفة مدى صلاحك و تدينك
هل ممكن تقولى لجوزك على علاقتك بهذا الصديق ؟
يعنى لو جوزك شاف الشات الى بينكم هيبقى رأيه ايه ؟
هل لو مراته شافت الشات دا هتكون مبسوطة ؟
هل تقبلى لزوجك أن يكون له صديقة زى كدا ؟
هل ممكن تقولى لأهلك ان لى صديق ؟
هل ممكن تقابليه و تعدى معاه فى مكان عام بدون ماتكونى مرتبكة و متوترة ؟
لو علاقتك بيه بريئة و محترمة ...
مش هتخافى ابدا تعلنيها و تقولى عنها لكل الناس
لكن طول ماهى علاقة خفية
يبقى انتى حاسة فى قرارة نفسك انها غلط مهما كان هذا الانسان رائع و محترم
(استفت قلبك ؛ البر ما اطمأنت إليه النفس واطمأن اليه القلب ، والإثم ما حاك في النفس وتردد في الصدر ، وإن أفتاك الناس وأفتوك )
ليست هناك تعليقات:
إرسال تعليق