بحب زوجتى و هى تلح على فى كلمات الحب و أنا مبعرفش
عزيزى :
محدش اتولد بيعرف يقول كلام حب او ما بيعرفش
التعبير عن المشاعر موهبة مكتسبة بتيجى بالتدريب
لو مش عارف تقول كلام ..ابعت لها كلام حب مكتوب
وقل لها انا مش بعرف اتكلم بس هعبر عن الى قلبى بكلام مكتوب
طلع من على الانترنت صور و كلمات و ابعت الى انت بتحس بيه ليها ..هتكون سعيدة بيها جدا
طلع أشعار
طلع اغانى عاطفية
طلع قصص قصيرة او بوستات على الفيس عاطفية و رومانسية
سجل صوتك باغنية عاطفية و ابعتها
سجل صوتك بشعر و ابعته
سجل صوتك بالى انت عايز تقوله و ابعته
عارف لو حطيت الموضوع فى دماغك
و حطيت لنفسك كل يوم تدور على كلمات عاطفية تبعتها
من كتر القراءة هتتعلم و هتنطبع الكلمات دى فى مخك ....و هتقدر تلاقيها لما تيجى تعبر بالكلام
و كلامى موجه للنساء برده
قبل ما تطالبى زوجك بالكلمات الرومانسية
لازم يسمعها منك ...مجرد انه بيسمعها دا هيعلمه قاموس الكلمات الى انتى بتحبيها و هيقدر يقول بعد كدة
اتعلمى تعبرى بالكتابة الاول ..دا هيساعدك فى البداية على الكلام
شجعيه و اى كلمة يقولها اظهرى سعادتك و امتنانك بيها حتى لو طالعة زى يوسف وهبى فى افلامه القديمة
كل ما يلاقيكى سعيدة هيتشجع اكتر و اكتر
لكن لو سخرتى منه و اتريقتى عليه هيقفل تماما و الى الابد
ليست هناك تعليقات:
إرسال تعليق