قالت : خطيبى لا يتكلم معى عن اخباره و احداث حياته ..
و كثيرا ما أعلم أخبار خاصة بيه من أصدقائه و أهله ...
و عندما أسأله لماذا لم تقل لى ..يقول ماجاتش مناسبة
حبيبتى :
هذا الطبع اسبابه كتيرة
ممكن يكون هو نفسه شخصية منغلقة ..هادئة ..منطوى على نفسه ..صداقاته معدودة و علاقاته محدودة جدا
ودا صعب جدا انه يتغير ..و غالبا بيكون كدة بعد الزواج ....يفضل ان يكون وحيدا و صعب المشاركة
الا لو قدرتى تكسبة ثقته و تكسبى صداقته بس دا محتاج وقت طويل و محتاج شخصية تميل الى التكتم (و دى نادرة فى النساء )
و فيه شخصيات طبيعية ..و دا ممكن ينفتح عليكى
بس للاسف ساعات البنت بتعمل حاجات تخليه يفقد الثقة فيكى و فى انه يقولك اى حاجة
كل حاجة بتحصل بينهم بتتقال لامها او صديقتها
و ياسلام كمان لما تقول له دى ماما بتقول و الا فلانة بتقول ..رأيهم فى الموضوع ..هيحس علطول انهم بيأثروا على دماغك
و ياسلام لو عرف انك قلت لحد هو مش عايزه يعرف بالذات ...بتكون مشكلة
و يا عينى لو عرف ان اخباره وصلت الآفاق و عبرت المحيطات و على صفحات الفيس
عودى نفسك دايما ان مابينك و بين خطيبك ..زوج المستقبل ..اسرار ماينفعش نحكيها للقاصى و الدانى
انا عارفة البنت بتكون محتاسة و مالهاش خبرة و عايزة تستشير اى حد كبير فى اى مشكلة بتحصل ليها
او عايزة تحكى لصاحباتها على الحب الى خطيبها بيحبه ليها ..جاب ايه ..قالى ايه ..عمل ايه ......بتحكى منظرة ..أو اثارة للغيرة و كيد لصحاباتها
عودى نفسك من دلوقت ان الحاجة الى مش لازم تتحكى بلاش تتحكى ..علاقتك بخطيبك اسرار بينكم
و لو حبيتى تستشيرى حد فى مشكلة حصلت بينكم او حصلت ليه استأذنيه فى مين تستشيريه ..بحيث يكون المستشار اهل للثقة منكم انتم الاتنين
مش تروحى تقولى لوالدتك و هو مش بيقبلها ..
و الا تروحى تقولى لصاحبتك و هو بيكرهها
انت كدة بتفقدى ثقته و الى الابد ...و الثقة لما تهدم صعب تتبنى تانى
ليست هناك تعليقات:
إرسال تعليق