قالت : كل كلمة أقولها يتعصب على ..مش عارفة اتفاهم معاه فى حاجة
نقول تانى
لو طبع العصبية من طباعه الأصلية ..مش حاجة عارضة بسبب ظروف صعبة يتعرض لها ...لا انصح أبدا باتمام الزواج من هذا الانسان
الانسان الى بيفقد قدرته على التحكم فى تصرفاته بسبب الغضب دا انسان عمرك ما هتحسى معاه بالأمان
ممكن كلمة بسيطة تتحول لخناقة
ممكن تصرف تلقائى يتحول لكارثة
و ممكن خطأ بسيط يؤدى الى الطلاق او الضرب او الاهانة
من سمات الرجولة الحقيقية القدرة على تحمل الصعاب..أمال بعد الزواج و المسئولية الحقيقية هيعمل ايه ؟
و القدرة على مواجهة المشكلات و على حلها ...العصبية و الشتيمة و الصوت العالى دى متنفس الانسان الضعيف الى لابيعرف يحل و لا يربط
و ياسلام لو كان من النوع الى بيكسر الحاجة من عصبيته ...و انت بتقولى انه كسر اللاب توب ...دا تصرف أرعن
و غالبا بعد الزواج هيمد ايده عليكى و هيضربك
العصبية داء اخلاقى لا انصح ابدا بالاقتران بمن يحمله سواء كان فى ولد أو بنت الا لو كنت باردة جدا و ممكن تقدرى تستحمليه
ليست هناك تعليقات:
إرسال تعليق