معضلة الازواج انه عايز يعيش حياته بمنتهى الحرية كما كان قبل الزواج
عايز يخرج مع اصحابه براحته
عايز يعد على القهوة براحته
عايز ينام براحته
عايز يتفرج على الى بيتفرج عليه براحته
عايز يعمل شات و يهزر و يضحك مع الستات براحته
مش عايز اى قيود على حياته قبل الزواج
انت زوج مسئول عن اسرة ..وزى ما انت بتروح الشغل كل يوم ...انت عندك شغل برده فى بيتك
لازم تعد مع مراتك انشاله ساعة واحدة ..اهتمام بيها ...حاول تتكلم معاها ..تهزر معاها ..تسمع ليها ...طبطب عليها ..قل لها كلمة طيبة
لازم تطمن على اولادك و تعد مع كل واحد فيهم انشاله نص ساعة ..اطمن على مذاكرتهم ..اطمن على اخبارهم و صحتهم ..لاعبهم شوية ..هزر معاهم شوية ..بسهم ..احضنهم
حس انك متجوز و مسئول ....
و كونك زوج يعنى جزء من حريتك فقدت
انت ممكن تروح لأصحابك و تنزل القهوة بعد ما تؤدى مهمتك نحوهم
ولما اتجوزت انت اخترت واحدة من كل النساء علشان تكون ليها هى بس
راعى مشاعرها ...علشان تحافظ على حبها
فانك ان فقدت حب مراتك ...فلن يغنيك عنها حب نساء العالمين
ليست هناك تعليقات:
إرسال تعليق