ازاى اعرف انه بيحبنى ؟

الحب له علامات

* واحد يعتنى ويهتم ويشارك مش مجرد عارف
فيه واحد عارف انت بتحبى ايه ...بتكرهى ايه ..اهتماماتك و ميولك ايه ...نشاطاتك ايه ...جدولك اليومى ايه ...اهلك ..اصحابك
وواحد تانى يروحلك الكلية مخصوص علشان يشوفك
يسمع الاغنية الى انت بتحبيها علشان يعرفك اكتر
يشوف الفيلم الى انت بتحبيه علشان يعرف ليه بتحبيه
يقرأ الكتاب الى انت بتقرئيه علشان يعرف ايه الى مخك
يدخل البيج و الجروبات الى انت فيها علشان يفهمك و يعرفك اكتر
يتعرف على اهلك علشان يعرف الناس الى انت عايشة معاهم
يتعرف على اصحابك
عايز فعلا يدخل حياتك و يعرف و يعيش كل تفصيلها ...هو دا الحب

* واحد يفعل و ينفذ مش مجرد كلام بس

للاسف احنا بننجذب أوى للناس الى بتتكلم حلو ...لكن الحب الحقيقى مش مجرد كلام ..الحب أفعال
و اكتر حاجة تدل على الحب ....انه يغير اسلوب تعامله معاك و يراعى مشاعرك و يعمل حاجات مكانش بيعملها ..و يتوقف عن حاجات كانت بتضايقك
انه يتخذ قرارات فى حياته من اجلك انت يغير مثلا شغله او دراسته او مكان سكنه
انه يضحى فعلا علشان يكون جنبك

*واحد ينصت باهتمام ..لايسمع فقط

الانصات هو ملاحظة المشاعر قبل الكلمات و ما وراء الكلمات
معرفة احساسك قبل أن تعبر عنه
يفهم انت عايز تقول ايه من قبل ما تتكلم
يفهم نظراتك و لفتاتك
ولو بيحبك هيحاول يفهمك بعمق ..مش مجرد بشكل سطحى

*بيفكر ليك مش مجرد بيفكر فيك
يغرق المحبين فى احلام اليقظة ...و خيالات الحب و الشوق و اللقاء
و لكن المحب الحقيقى يفكر لمن يحب مش فيه بس
تشغله مشاكل حبيبه و بيبقى عايز يحلها ليه
تشغله هموم حبيبه و يفكر كيف يزيلها
تشغله مسئوليات حبيبه و يفكر ازاى يشيلها معاه
تشغله طموحاته و احلامه و بيبقى عايز يحققها معاه

دى علامات الحب الحقيقى ...للى بيحبوا

محدش ياخد الكلام دا على المتزوجين ..
لان الحب بعد الزواج ممكن ياخد أشكال تانية محدش يزعل