شباب كتير للاسف مش بيعرف يفرق بين الاهتمام و التسالى
فيه واحدة / واحد بيتسلى و يقضى وقت ظريف فى الكلام معاك لكن لا يكن لك أى مشاعر
وواحدة / واحد مهتم فعلا بيك و يكن لك مشاعر عميقة
الى بيتسلى بيكلمك فى الوقت الفاضى ليه
المهتم بيفضى نفسه مخصوص علشانك
الى بيتسلى بيتكلم معاك اكتر لما يبقى محتاجك
المهتم : بيتكلم معاك لما بتكون محتاجه
الى بيتسلى : بيحكى عن نفسه كتير
المهتم : بيسأل عن تفاصيلك كتير و عايز يسمع أكتر
الى بيتسلى : بيفضفض عن مشكلاته كتير
المهتم : بيحس إن عندك مشكلة و بيحاول يخليك تتكلم عنها
الى بيتسلى : ممكن يسمع مشكلتك لو انت بادرت بالكلام ..مضطريسمع
بس يهرب من أى مساعدة فعلية أو عملية
المهتم : ممكن يسمع و يتعاطف و يشارك فى حلها و يساعدك بأى طريقة ممكنة ليه
الى بيتسلى : بيبقى عايزك دايما مسلى و ظريف و لطيف و بتضحك لانه بيقضى معاك وقت ظريف
المهتم : بيتقبلك مهما كان مزاجك و بيحاول يخرجك من المود الوحش بأى طريقة
الى بيتسلى دايما ينسى انت قلت له ايه فيما يخصك
المهتم لاينسى ابدا تفاصيلك
الى بيتسلى : مش مهتم بمشاركتك حياتك الالكترونية و لا مهتم بما تنشره على صفحات التواصل
المهتم : بيبقى عايز يعرف أصحابك وأهلك وممكن يدخل الجروبات الى انت مشارك فيها ويتابع انت بتنشر ايه و يحس بأى تغيير فى اسلوبك او تعليقاتك
فرق كبير أوى بين واحد بيحب و مهتم
و بين واحد واخدها تسالى ...
او حتى ممكن بيدور على عروسه كويسة يرتبط بيها
لتلبية احتياجاته هو دون أن يهتم بها او تفاصيلها او احتياجاتها هى
ليست هناك تعليقات:
إرسال تعليق