الأمان المادى من المؤكد انه يجلب راحة البال و يخفف ضغوط الحياة و ييسر الحصول على متع الحياة
لكنه أبدا لايجلب السعادة ...لان السعادة مصدرها داخلى ....و هذا هو الانجاح الحقيقى
انت ممكن تكون معاك فلوس كتير ..لكن انسان مكروه من كل الى حواليك ..فالمال لايشترى الحب الحقيقى و الحب هو سعادة القلب
و ممكن تكون معاك فلوس و مشغول البال هتعمل بيها ايه و هتزودها ازاى و ازاى حتى تعينها او تحافظ عليها و عندك مشاكل منغصة عليه عيشتك ...يعنى برده مش هتبقى مرتاح ..و راحة البال سعادة العقل
و ممكن يكون معاك فلوس بس صحتك متدهورة و قاعد تصرفها على المستشفيات و الادوية أو مش عاجبك شكلك و قاعد تصرف فلوسك على عمليات التجميل و مش حاسس ابدا بلرضا عن منظرك فالصحة و الجمال هم سعادة الجسد
ممكن يكون معاك فلوس بالهبل ....لكنك حاسس بخواء روحى رهيب ممكن يدفعك الى الانتحار ..حاسس انك بلاقيمة فى هذه الحياة و محدش محتاج ليك و لو مت مش هيفرق كتير ..و الاحساس بالقيمة هى سعادة الروح
و دى شفناها كتير فى انتحار المشاهير فى العالم
النجاح الحقيقى فى انك تحقق السعادة ..و السعادة احساس داخلى نابع من قلبك و عقلك و روحك و جسدك و اخلاقك
النجاح الحقيقى فى انك تحقق التوازن بين روحك و جسدك ..بين عقلك و مشاعرك ...بين نفسك و الناس ...بين دنيتك و آخرتك
علشان تعيش سعيد فى الدنيا ..و فى الآخرة
ليست هناك تعليقات:
إرسال تعليق