قال : عملت حادث بالعربية ...بس تخيلى كانت حادثة لذيذة
- ازاى يعنى
- اتعرفت على صاحب العربية الى خبطت عربيتى و كان شخصية لذيذة و اعترف بغلطته و اتأسف
- والشرطى الى جه يعمل المحضر ...قعد يهذر و يضحك معانا و كان الموقف ظريف جدا
قلت له انت الى عينيك حلوة ...و شايف كل حاجة حلوة ....علشان كدة الدنيا دايما بتكون حلوة حواليك
اكيد ماقعدتش تزعق و تهلل !!!!
- انا بصيت لنفسى لقيت مفيش كدمات و لا كسور و لا اصابات قلت الحمد لله انها جت على أد كدة
و رحت شفت صاحب العربية التانية ..علشان اشوفه بخير و الا لأ
سألته انت بخير ؟
- وبالتالى الغلطان اتحرج فحاول يهدى الجو و اعتذر علطول
و اكيد الشرطى جه لقاكم بتتكلموا وواحد اعتذر و قاعدين تهزروا مع بعض فتعامل مع الامر بمنتهى الاحترام ليكم انتم الاتنين و دخل فى الجو اللذيذ برده
واحد تانى كان زعق و هلل و شتم و لعن و سب بالدين للغلطان
فالتانى اكيد هيرد مش هيقف يتفرج عليه ...كرد فعل طبيعى
و كان ممكن تقوم خناقة و تمسكوا فى بعض
و الناس تتلم و تحاول تخلص ...و الشرطى ييجى يقل أدبه على الجميع
علشان يحاول يوقف الخناقة
أنت عزيزى من صنع الموقف اللذيذ
و علشان دايما هادىء و شايف الايجابيات و قلت لنفسك الحمد لله ان جت فى العربية و انا سليم ..
تعاملت مع الموقف بهدوء و ايجابية خلت الموقف كله لذيذ ..و الراجل اعتذر و تكفل بالاصلاح
ليست هناك تعليقات:
إرسال تعليق