انت ممكن تستخدم سلطتك كأب أو كأم
و تفرض الى انت عايزه على أولادك بالقوة
قوة الخوف من زعلك (لو بيحبك و مش عايز يزعلك )
أو الخوف من غضبك (لو بيخاف منك و من عقابك )
لكن أنت كدة بتغرس في عقله مفهوم السلطة المتحكمة
السلطة الى لازم تفرض رأيها على من هو أضعف منها أو أصغر منها ولازم الكل يسمع كلامها
بتغرس فيه مفهوم (الكبير) الى بيفهم اكتر من الصغير و هو الى عارف مصلحته وهو الى لازم يمشيه على مزاجه
و هتلاقيه بعد كدة لما يكبر شوية ياخد أحد الدورين حسب طبيعة شخصيته
اما بياخد دور السلطة هو كمان على من هو أضعف منه ..اخواته الصغيرين أو اصدقائه
و عايز دايما ينفذ تعليماته و أوامره و رغباته عليهم (دكتاتور )
او بياخد دور الضعيف الى ملوش رأى الى ماشى إمعه تبع حد كبير بيتلقى منه التعليمات و التوجيهات و الأوامر (عبد المأمور )
فى السن الصغير أول ما يفهم الكلام فى مرحلة الرضاعة و الطفولة المبكرة
لما تيجى تدى تعليمات حاول تقول ليه ؟
ليه بنغسل وشنا ؟
ليه بنسرح شعرنا ؟
ليه بنغير هدومنا ؟
ليه بناكل ؟
ليه بنام؟
علشان ما يحسش انها مجرد تعليمات لازم ينفذها بدال جاية من الكبار و ان الكبار بيقولوها لأسباب فى مصلحته هو مش بهدف فرض الرأى و التسلط
كمان سيب له حرية الاختيار فى بعض أموره حسب سنه
الهدوم الى بيشتريها
اللعب الى هو عايزها
الاكل الى هياكله
الحاجة الى هيتفرج عليها
كل ما بتديله حرية القرار و الاختيار ..كل ما تنمو شخصيته و ثقته فى نفسه و يحس بالتحكم فى حياته و قدرته على اتخاذ قراراته بنفسه
احترم رأيه حتى لو مش على مزاجك ...و قل له ليه انت مختلف معاه و اديله حرية اتخاذ القرار
فيه ناس هتعترض ...ازاى اخليه يختار و هو مبيفهمش حاجة ؟
اديله حرية الاختيار بين اتنين
يعنى مثلا لو بتشترى هدوم ..هاتى طقمين و خليه هو يختار بينهم
هاتى لعبتين و خليه هو يختار بينهم
هتاكل الاكل فى الطبق الاحمر و الا الاخضر
تتفرج على كرتون و الا تلعب بلاى استيشن
دا بيخليه يقلل العند كتير ..و يحسسه انه مسيطر على حياته
و يخليه اكثر استجابة للتعليمات الى مافيهاش اختيار
اسمع لابنك كتير واعرف آراءه فى الحياة بدون انتقاد و انتهار و سخرية قبل ما تلقى على مسامعه التعليمات و الدروس ..علشان تعرف هو بيفكر ازاى
اجتهد فى انك تقنعه قبل ما تطالبه بالتنفيذ
امنح ابنك القدرة على الاختيار و اتخاذ القرار و التصرف فى حياته وفق مايراه
طالما مفيش فيه ضرر بالغ
خليه يجرب الدنيا و يغلط ...هيتعلم من غلطه اكتر ما بيتعلم من التوجيهات و التعليمات
علشان ما يحسش بسيطرتك فيعند
ولا ينصاع لسيطرتك فيفقد شخصيته
و تفرض الى انت عايزه على أولادك بالقوة
قوة الخوف من زعلك (لو بيحبك و مش عايز يزعلك )
أو الخوف من غضبك (لو بيخاف منك و من عقابك )
لكن أنت كدة بتغرس في عقله مفهوم السلطة المتحكمة
السلطة الى لازم تفرض رأيها على من هو أضعف منها أو أصغر منها ولازم الكل يسمع كلامها
بتغرس فيه مفهوم (الكبير) الى بيفهم اكتر من الصغير و هو الى عارف مصلحته وهو الى لازم يمشيه على مزاجه
و هتلاقيه بعد كدة لما يكبر شوية ياخد أحد الدورين حسب طبيعة شخصيته
اما بياخد دور السلطة هو كمان على من هو أضعف منه ..اخواته الصغيرين أو اصدقائه
و عايز دايما ينفذ تعليماته و أوامره و رغباته عليهم (دكتاتور )
او بياخد دور الضعيف الى ملوش رأى الى ماشى إمعه تبع حد كبير بيتلقى منه التعليمات و التوجيهات و الأوامر (عبد المأمور )
فى السن الصغير أول ما يفهم الكلام فى مرحلة الرضاعة و الطفولة المبكرة
لما تيجى تدى تعليمات حاول تقول ليه ؟
ليه بنغسل وشنا ؟
ليه بنسرح شعرنا ؟
ليه بنغير هدومنا ؟
ليه بناكل ؟
ليه بنام؟
علشان ما يحسش انها مجرد تعليمات لازم ينفذها بدال جاية من الكبار و ان الكبار بيقولوها لأسباب فى مصلحته هو مش بهدف فرض الرأى و التسلط
كمان سيب له حرية الاختيار فى بعض أموره حسب سنه
الهدوم الى بيشتريها
اللعب الى هو عايزها
الاكل الى هياكله
الحاجة الى هيتفرج عليها
كل ما بتديله حرية القرار و الاختيار ..كل ما تنمو شخصيته و ثقته فى نفسه و يحس بالتحكم فى حياته و قدرته على اتخاذ قراراته بنفسه
احترم رأيه حتى لو مش على مزاجك ...و قل له ليه انت مختلف معاه و اديله حرية اتخاذ القرار
فيه ناس هتعترض ...ازاى اخليه يختار و هو مبيفهمش حاجة ؟
اديله حرية الاختيار بين اتنين
يعنى مثلا لو بتشترى هدوم ..هاتى طقمين و خليه هو يختار بينهم
هاتى لعبتين و خليه هو يختار بينهم
هتاكل الاكل فى الطبق الاحمر و الا الاخضر
تتفرج على كرتون و الا تلعب بلاى استيشن
دا بيخليه يقلل العند كتير ..و يحسسه انه مسيطر على حياته
و يخليه اكثر استجابة للتعليمات الى مافيهاش اختيار
اسمع لابنك كتير واعرف آراءه فى الحياة بدون انتقاد و انتهار و سخرية قبل ما تلقى على مسامعه التعليمات و الدروس ..علشان تعرف هو بيفكر ازاى
اجتهد فى انك تقنعه قبل ما تطالبه بالتنفيذ
امنح ابنك القدرة على الاختيار و اتخاذ القرار و التصرف فى حياته وفق مايراه
طالما مفيش فيه ضرر بالغ
خليه يجرب الدنيا و يغلط ...هيتعلم من غلطه اكتر ما بيتعلم من التوجيهات و التعليمات
علشان ما يحسش بسيطرتك فيعند
ولا ينصاع لسيطرتك فيفقد شخصيته
ليست هناك تعليقات:
إرسال تعليق