فيه عشرة العمر ..يعنى اصحاب من زمان ..زى زملاء الدراسة القدام ..اصدقاء الشغل الى بقالنا معاهم سنين
و فيه صداقات المواقف ...ودول الناس الجدعة ...الى تلاقيها فى المواقف الصعبة واقفة جنبك
ممكن مايبقاش عشرة عمر
ممكن يكون جارك
ممكن يكون حد لسة متعرف عليه قريب بس لقيته واقف معاك واقفة جدعة جدا
و فيه صداقة للفضفضة ..و دا الصديق الى عنده قدرة على الاستماع و الاحتواء وممكن تستشيره و تاخد رأيه
و فيه صداقة للفرفشة و قضاء وقت ظريف مع بعض
و فيه صداقة انت الصدر الحنين بتاعهم بيشكولك و بيثقوا فى رأيك
وفيه صداقات المصلحة برده ...يعنى يعرفوك لما يكونوا محتاجين منك حاجة ..
انا شخصيا مش بتضايق منهم على فكرة ..انا بحس ان باب خير اتفتحلى لقضاء حوائج الناس
انا رأيى ان صعب جدا تلاقى الصديق الواحد الى يحقق لك كل دا
ليست هناك تعليقات:
إرسال تعليق