لازم الاول نفهم الطبيعة النفسية للمراهق
يعنى ايه الطبيعى فى سنه و ايه الى مش طبيعى
الطبيعى المفروض نستحمله علشان دى فترة و هتعدى
زى ما كنتى بتستحملى زنه و دلعه و هو عيان مثلا
وزى ما كنت بتستحمل عياطه و زنه لانه عايز ينام او عايز حاجة
مشكلتنا الرئيسية مع اولادنا اننا مش قادرين نتقبل التغيرات دى و نعتبرها امور طبيعية
و بالتالى مصممين اننا ننتقدها
و مش بس ننتقدها عايزينه يغيرها و عايزينه يبقى ناضج زينا لان شكله شحط و كبير
هو صحيح جسمه كبير بس لسة عقله صغير و مش هيقدر يغير نفسه
و بالتالى يحدث الصراع بييننا و بينهم
التغيرات النفسية الطبيعية دى كتيرة اوى
وهي تغيرات طبيعية البعض يمر بيها دون أن يشعر والبعض قد يضطرب منها لفترة
وتحدث أغلب هذه التغيرات نتيجة التغير الذي يحدث في إفرازات الغدد
ومن أهم هذه التغيرات:
- الحساسية الزائدة وسرعة التأثر
-الدورات الشهريه والكآبه
-التقلب في المزاج
- القلق الزائد وعدم الاستقرار النفسي.
- روح التأمل والتفكير في القضايا الدينية.
- الرغبة في تحدي الأهل والمعلمين والمعلمات والتمرد على سلطتهم.
- الاستغراق في أحلام اليقظة.
- الاهتمام كثيرا بالمظهر الخارجي.
- بدء الميل والاهتمام بالجنس الآخر.
- الانغماس في بعض السلوكيات الخاطئة و المنحرفة
- مجاراة الاقران و تقليد سلوكياتهم الصحيحة و الخاطئة
- عدم الاهتمام لنصائح الاهل و عدم تقبلها
- الانفراد و الانعزال عن الناس و الاهل
لما بتتعامل مع المراهق على اساس ان الحاجات دى طبيعية هتقدر تتقبله و تستحمله
لكن لو تعاملت معاه على ان الحاجات دى غلط لازم يتغير هتعيش فى صراع مزمن معاه
ليست هناك تعليقات:
إرسال تعليق