اقتناع بالعقل ..يعنى مقتنعة بشخصيته و انه انسان كويس كله على بعضه بالرغم من عيوبه و فيه درجة من التفاهم بينهم
ارتياح بالقلب يعنى قلبك فرحان بالارتباط بيه و مطمئن (مهم أوى الاطمئنان دا )
اعجاب بالشكل لازم تكونى مرتاحة لشكله و يمكن شايفاه اجمل راجل فى الدنيا ومايبقاش فيه نفور وانت قاعدة معاه و مركزة فى شكله الوحش
انجذاب يعنى رغبة فى القرب منه و لهفة و شوق وحنين ليه
انهيار اى ركن من الاركان دى دا مش اسمه حب دا اسمه تعلق او اسمه حب غير ناضج و دا لايدوم طويلا و غير مرشح للاستمرار
يعنى البنت لما تيجى تقولى بحب واحد بيعرف بنات و مش قادرة ابعد عنه و حاسة انه ممكن يتغير
والا بحب واحد عاطل و كل شوية مش فالح فى شغلانة و مستنياه لما يلاقى شغل
والا بحب واحد عصبى اوى و كل شوية يتعصب على و يشتمنى
و الا بحب واحد بس شكله وحش مش وسيم
بحب واحد كصديق بفضفض معاه ومهتم بى بس معنديش اى رغبة فى القرب منه
بحب واحد مفيش بينى و بينه أى تفاهم و علطول بنتخانق مع بعض قلبى مش مرتاح من الاقتران بيه و مش فرحان و مطمن
دا مش اسمه حب ....
دا اسمه اى حاجة تانية غير الحب ...
اسمه تعلق ..اسمه تعود ...اسمه ادمان ...اسمه مش لاقية غيره وعايزة اتجوز و خلاص ..
اسمه ضل راجل ...و لا ون ضل الحيطة بتبقى افضل فى الحالة دى ....
على الاقل الحيطة لا بتتكلم و لا بتتخانق ولا بتتحكم
يابنات ...
اوعى تجرى ورا قلبك بس ...لازم القلب مع العقل مع الجسد مع العين مع الروح ..لحد ما كل حاجة تقولك أيوة
الحب فعلا أعمى ..لان القلب أعمى
و عندما يشعر بالحب بيغطى على أى تفكير بالعقل و المنطق
ليست هناك تعليقات:
إرسال تعليق