و هيتعود انه يكون ملطشة لاى حد كبير ...المدرس بتاعه فى المدرسة ...المدرب بتاعه فى النادى ....الدكتور بتاعه فى الكلية ...المدير بتاعه فى الشغل
مخه بيتبرمج على ان الاهانة من الكبار عادى ...و بيكبر و يشتم اخوه الصغير و الموظف الى عنده و العامل الى تحت ايده ...و يتجوز و تلاقيه برده بيشتم زوجته ..و يشتم ابنه عادى .
من أسوأ الأفكار الى بنحطها فى عقل الطفل إن أنا كبير أشتم عادى لكن أنت لا تشتم
احنا بنرسخ فى ذهنه ان السب و سلاطة اللسان و بذاءة القول مش غلط ..هو غلط بس فى حق الصغيرين تجاه الكبار ...يوم ما تكبر اشتم براحتك
و دا سبب المجارى اللفظية المجتمعية الى طفحت بعد الثورة
المفروض تربى ابنك على المبدأ ....السباب و الشتائم دى غلط سواء صدرت من الكبير أو الصغير
لو انا كأب أو أم صدر منى لفظ غلط ..المفروض اعتذرله ..و اقوله دا غلط
الشتيمة مهينة للطرف التانى ...و مهينة جدا للطفل ...لانه لسة بيكون فكرته عن نفسه من تعامل والديه معاه
و كونه انه اصبح يتلقى الشتائم و يضحك و لايشعر بالاهانة ...دا معناه ان احساسه بالكرامة بينهار ....و احساسه باحترامه لنفسة بيتمزق ...و أصبح قابل الذل و الاهانة عادى علشان أكل العيش
لاتعود ابنك على سماع الشتائم ..حتى لايقبلها من غيره ...و حتى ينمو لديه احترامه لذاته و لكرامته ...فلايقبل الذل و الاهانة مهما كان مصدرها
خلى لابنك كرامة
ليست هناك تعليقات:
إرسال تعليق