بالرغم من مشاهد القتل فى كل مكان
ابرياء يموتون كل يوم ..كل ساعة
نشعر بالحزن
نشعر بالغيظ والغل
نشعر بالألم ونحن نستشعر آلام الامهات
نشعر بالخزى
نشعر بالعجز
نشعر بالقهر
مشاعر سلبية قوية تصيبنا كل يوم
انادى داخل نفسى
اصرخ فيها ..
اهزها بعنف
اوعى تستسلمى
اوعى تنهزمى
اوعى تحسى ان مفيش فايدة ومفيش أمل
و مفيش سعادة و مفيش نجاح
اوعى يصيبك اليأس
حولى المشاعر دى الى عمل ايجابى ..اى عمل
ازرعى فسيلتك
(إِنْ قَامَتْ السَّاعَةُ وَبِيَدِ أَحَدِكُمْ فَسِيلَةٌ فَإِنْ اسْتَطَاعَ أَنْ لَا يَقُومَ حَتَّى يَغْرِسَهَا فَلْيَفْعَلْ)
فقيامتك يمكن أن تأتيك فى أى وقت من الليل او النهار
ازرعيها فى نفسك ..بدوام التطوير و التعلم ...فأول ما امرنا به جل و علا (اقرأ ) ..قبل ربنا مافرض الصلاة و الصيام و الحج ....قال جل و علا : اقرأ
ازرعيها فى أولادك ...اغرسى فى قلوبهم و ضمائرهم مبادىء و قيم ودين و علم وعمل
ازرعيها فيمن حولك ..وصلى ماتعلمتيه لكل من تعرفيه ..فالناس تحتاج الوعى و المعرفة
ازرعي فسيلتك فى شغلك ...حطى بصمة فى شغلك ..ماتكونيش مجرد موظفة ...كونى موظفة لاتنسى
شاركى فى عمل تطوعى لو مش بتشتغلى ...اى عمل يحسسك انك بتعملى حاجة مفيدة غير البكاء و الحزن
توقفى نهائى عن نشر ماتشعرى به من ألم و حزن وغل ...دور على اى حاجة ايجابية وسط الظلام و انشرها
حول سوء مشاعرك الى عمل ايجابى ..
دور دلوقت على عمل ايجابى
انشاله تنزل تضحك فى وش الناس
قل لهم نكتة تنسيهم
طبطب عليهم
قلهم بكرة احلى ان شاء الله
و هيكون احلى بعملنا احنا
مش بانتظار الفرج العاجز
ولا بانتظار حاكم يمنحنا العدل و الحرية والكرامة المنشودة
ولا فى انتظار اصلاح مجتمع يسوده الكسل و الفساد
هيكون احلى لما تعمل انت حاجة
ولما تحس جواك انك مش عاجز ..انك بتعمل حاجة
لما تتوقف عن الندب و الصراخ و تساهم بحاجة مفيدة ..اى حاجة ..لاصلاح هذا الوضع ..حتى ولو طلعت بواحد بس
.. فوالله لأن يهدي الله بك رجلاً واحداً خير لك من حُمر النَّعم
ليست هناك تعليقات:
إرسال تعليق