الحنية هى الاحساس بمعاناة الآخرين و المبادرة الى مساعدتهم و هى الرحمة الى ربنا قال عليها بين الزوجين
فيه ناس منزوع من قلبها الرحمة و العياذ بالله .
لاتشعر اطلاقا بمعاناة الآخرين لانها لم تتعود على ذلك ..فهو انسان مهتم بنفسه منذ الصغر ولا يلفت نظره مشاعر الأخرين أصلا و ان لفتوا نظره فبمقدار ما يحتاجهم هو فقط
و فيه واحد يحس بيهم بس لايبادر الى المساعدة ..يقولك و انا مالى ...لما يطلب المساعدة ابقى اساعد
وفيه الحنون العطوف .الى بيحس بمعاناة الآخرين و يتعاطف معاهم و يحس بألمهم و يدفعه ذلك الى دعمهم و مساندتهم بقدر ما يستطيع
ربى ابنك على انه دايما يلاحظ اخواته .و يلاحظ أوقات معاناتهم و الفتى نظره دايما الى هذه الامور ...و شجعيه انه يبادر بمساعدتهم بقدر الامكان
و امدحيه لما يساعدهم بحاجة
لو اخوه مثلا مريض ..شفت تعبان ازاى ..ياحرام ..بوسه ..طبطب عليه .هاتله ماية ..تعالى نديله الدوا ....تعالى نساعده يلبس هدومه ...سنده لحد مايروح الحمام
شجعيه على كدة و حفزيه و بوسيه و احضنيه و اشكريه على انه عمل كدة
لو عند حد من ابنائك بيعيط و عنده ازمة ...حاولى تشركى اخواته معاه ....و شجعى الكل انه يبادر بالمساعدة ...او بالتعاطف و المؤازرة ان امكن ...شجعى و حفزى على كدة
خليه يروح دور الايتام و يشوف الاطفال و يجيب لهم هدايا و يلعب معاهم
خليه يروح دور الرعاية لذوى الاحتياجات الخاصة
لو تقدرى وديه لدار المسنين ...وخليه يعد مع كبار السن ..و خليه يساعدهم
خليه يدى فلوس لاطفال الشوارع و يضحك فى شهم
لو انتى متضايقة او تعبانة هو مش معبرك قوليله ..
اتمنى ياحبيبى لما اكون تعبانة انك تيجى تطمن علىّ و تقول لى مالك ياماما يمكن اكون محتاجة مساعدة منك
ربى ابنك على انه يحس بالناس الى حواليه ....و يبادر بمساعدتهم
متخليهوش انانى لايفكر الا فى نفسه ..و ان فكر فى الاخرين فبيفكر ماذا سيقدمون له
لان دا لو استمر كدة ممكن يكون فاشل اجتماعيا سواء كان فى بيته او فى شغله بعد كدة
ليست هناك تعليقات:
إرسال تعليق