اجعلى شعارك لا تطعمنى السمكة و لكن علمنى كيف اصطاد ..
هى دى التربية
لازم تعلمى ابنك ازاى يذاكر لوحده
مش لازم تبقى قاعدة جنبه علشان يذاكر
و مش لازم تشرحيله كل صغيرة و كبيرة
و مش لازم تعملى معاه الواجبات
لاااااازم يتعلم بالتدريج مسئوليته ناحية مذاكرته
و دا بيبدأ من أول KG
يتعلم يعمل الواجب المطلوب منه لوحده ..مش لازم يعمله بنسبة 100% صح ...مش لازم يكتب الحروف بشكل رائع ...التدريب بيبقى بالتدريج لحد ما يتقن الامر
انا بشوف امهات بتكتب الواجب بايديها ..كما لو انها هى الى خايفة من عقوبات المعلمة
الولد معملش الواجب يتعاقب من المعلمة ..و تسيبيها تعاقبه ...علشان يتعلم انه يتحمل نتيجة اهماله ...
مش تروحى تتخانقى معاها ازاى تعاقبه
هو كدة هيتعود انى اهمل براحتى و اى عقوبات ماما هتتحملها عنى
و لما يكبر حضرتك و يتخانق مع مراته ..و الا يتطرد من شغله ..ماما الى هتحل المشكلة برده ماهى طول عمرها بتحلله مشاكله و بتدارى عن اخطاؤه و ممكن تنكرها كمان و تكذب علشان تدارى عليه
خليه يتعود ان المذاكرة مسئوليته هو ...و هو الى لازم يحرص عليها يا اما آخرته بواب او عامل نظافة ( مع كل احترامى لهذه المهن )
مش هى مسئولية ماما
ليست هناك تعليقات:
إرسال تعليق