الأكل له مواعيد ثابتة ودا من أول المرحلة الابتدائية
و الى مش هيلتزم بالمواعيد مش واجب عليكى تحطيله الأكل ..
هو يدخل يأكل نفسه بنفسه و يدور لنفسه على أكل
مش يعد فى الشارع طول النهار مع اصحابه و يرجع يلاقى مامته عايناله أكل من الغدا و مسخناله و مقدماله مالذ و طاب
ما تعينيش أكل مخصوص ..لازم يحترم مواعيد الأكل ..دا أولا
إلا طبعا لو فيه درس او تدريب او حاجة مهمة
لازم يفهم ان مامته مش جاهزة ليه فى أى وقت ..انت مش الشغالة الى واقفة تخدمه ..من حقك ترتاحى و تنامى او حتى تخرجى
هياكل بواقى الأكل لو عايز ...مش عايز ياكل عيش و جبنه
و هو إلى يحضر لنفسه ..لازم يتعود أن يعد لنفسه الطعام
انا بلاقى امهات أولادها أطول منها و مايعرفوش يسخنوا لنفسهم الأكل و لا يعملوا لنفسهم ساندوتش مثلا
علميه ازاى يجهز أكل لنفسه
انت كدة بتعلميه ازاى يكون مسئول عن نفسه ..و مايبقاش دايما حاسس ان لازم حد يخدمه ..و يطلع مش قادر يستغنى عن ماما
و يبقى شحط طويل عريض و لسة مستنى ماما ترضعه
لو لم يتعود على تحمل مسئولية نفسه ...مش هيقدر بعد كدة يتحمل مسئولية بيت و اسرة
الحاجات الصغيرة دى بتأثر كتير على بناء شخصيته ..و انت حرة
ليست هناك تعليقات:
إرسال تعليق