يشكو الكثير من الرجال من زيادة مصروف البيت و يشكل دا ضغط نفسى عليه
بصفة عامة الخلاف حول المادة و الفلوس بيحصل بين اى زوجين بسبب اختلاف الاهتمامات و اولويات الانفاق ...
كل واحد له اهتمامات مختلفة عن التانى ...
يعنى ممكن حضرتك تصرف حلو اوى و بصدر رحب على الاجهزة والعربيات و الموبايلات و الساعات و الشقق و المشروعات ...
لكن هى بتحب الهدوم و الدهب و الاكسسوارات ..و خاصة ماشاء الله لو عندك بنات .. مصاريفهم بتكون اكتر من الولاد بكتييير بسبب الحاجات دى
الى دايما الرجال شايفينها هيافات و تبذير بس هى اساسيات عند المرأة
قبل ما تتهم مراتك انها مادية او مبذرة اسأل نفسك
هل ما تنفقه خاص بيها بس ...يعنى بتجيب لنفسها دهب ..بتزن على انك تكتب لها عقار مثلا ...و دى بتكون مادية فعلا ..او مفتقدة الاحساس بالامان و فاكرة الفلوس هى الامان
والا انفاقها على البيت ...فدى بيبقى ساعات انفاق عادى ..بس انت الى حاسس انها بتصرف فى هيافات
او ساعات بيكون انفاق غير عادى من باب ..قصقصى ريشه
فيه نساء ماديات بطبعها ...أو احساسها بالامان فى الفلوس ...ودى بتبان من البداية من اهتمامها بالماديات اكتر من المشاعر و العواطف
و دى بتكون زى أغلب الرجال
الرجل لايشعر بالامان الا اذا امن مستقبله المالى و مستقبل اولاده و حس انه لو جراله حاجة اولاده هيعيشوا مرتاحين برده ...فهو دايما بيفكر بهذا الاسلوب فى مستقبلهم المادى ...و فيه ستات كدة برده
و فيه نساء عاطفيات بطبعها ..
بس لما مش بتلاقى الحب الى هى عايزاه من جوزها فبتحاول تأمن نفسها ماديا ...
ولسان حالها بيقول يعنى لو ماطلناش حب و مشاعر يبقى نطول فلوس
و ساعات احساسها انك مش بتحبها بيخليها دايما حاسة انك ممكن تطلقها فى اى وقت فبتبقى عايزة تأمن مستقبلها لو اتطلقت
و ساعات فيه ستات مش بتشتغل بس بتزن على الشغل و عايزة تنزل الشغل لانك بخيل عليها او هى برده مش حاسة بالامان معاك
لازم يكون فيه اتفاق بينكم على هذه الامور المادية ...
و تفهم للرجل للاحتياجات المادية لزوجته
و تفهم المرأة مخ الراجل بيفكر ازاى فى الامور المادية و تأمين المستقبل
علشان نقدر نحس ببعض ....و نريح بعض
ليست هناك تعليقات:
إرسال تعليق