مشكلة يعانى منها الكثيرون فرضتها الظروف الاقتصادية الصعبة
و للأسف يغفل الازواج عن معاناة هذه الزوجة مما يزيد المعاناة اكتر و اكتر
لازال الرجل العربى فاكر ان كل مهمته فى الاسرة الانفاق عليها
و غافل تماما عن مهامه العاطفية و النفسية و التربوية
او عارف و متجاهل و مطنش
وغالبا بيكون مش متجاهل ..هو جاهل أصلا يقوم بالدور دا ازاى
و دا من قلة وعى بمهام الزوج و الاب و دوره
نقول تانى
الزواج الى ربنا ذكره فى القرآن و جعله آية من آياته هو الزواج الذى يشبع احتياجات نفسية للطرفين ...نفسية مش مادية
( مودة و رحمة و سكن ) دى حقيقة الزواج الناجح
يعنى مراتك ..و انت كمان ..علشان جوازكم يكون سعيد محتاجين
مودة (الحب الهادىء )
ورحمة ( يعنى كل واحد يصعب على التانى و يرفق بيه )
و سكن ( احساس بالامان )
و المشاعر دى جوة قلوبنا ..التانى مش هيعرفها الا لما تظهر فى سلوكيات و اقوال و افعال ...هى دى الى محتاجاه زوجتك فى أى جواز ..و هو دا الى محتاجة جوزك أساسا
و انت كأب مطلوب منك احتياجات نفسية لاولادك ( الحب ..التقبل ..الاحترام ..المدح ...التشجيع ...) و دى بتديها على شكل اقوال و افعال
وسائل التواصل دلوقت ملء السمع و البصر ...و ببلاش
كان زمان الزوج المسافر بيبعت جواب لاسرته كل فين و فين مع الحوالة البريدية
دلوقت ملكش حجة ...عندك الانترنت ممكن تتواصل مع اهلك و تديهم الى هم محتاجينه من مشاعر و ببلاش
مهمتك دى هتسأل عنها ...لانها لاتقل اهمية ابدا عن مهمة الانفاق
النساء بتحس بفراغ عاطفى و دى مصيبة ...و بتجر مصايب ...و الفراغ العاطفى غير الجنسى ركز معايا ..هى عايزة تتحب الحب العاطفى دا ممكن يصبرها على الاحتياج الجنسى
و الأم فى هذا الزمان ما بتعرفش لوحدها تدى لاولادها احتياجتهم العاطفية ...لان اتحط عليها مهمة الخدمة (الى مكانتش موجودة زمان و كان بيقوم بيها العبيد و الخادمات )
و اتحط عليها مهمة العمل ( مكانتش زمان بتخرج تشتغل )
فالاولاد محتاجين لأب ..و عدم وجودك ..ممكن يعمل مصايب برده
و احنا شايفين الاجيال الى طالعة عاملة ازاى
وجودك فى الخارج ..لايعنى ان كل مهمتك تبعت فلوس ..زوجتك محتاجة حبيب ..و اولادك محتاجين أب
ياااااارب
افتح عقول الرجال للفهم يارب ...
وان مافهموش انزل عليهم مايفتح دماغهم (مصايب الزوجات و الاولاد )...
يمكن لما تتفتح يفهموا
ليست هناك تعليقات:
إرسال تعليق