لو فيك طبع يؤذى شريك حياتك ..دا لازم يتغير ..اعترف و قل له انا بعترف ان فى الطبع الفلانى و انا عارف انه مؤذى ليك و هكون ممتن جدا لو ساعدتنى انى ابطله و استحملتنى
دا افضل كتييييير من انك تقول : أنا كدة و مش هتغير .. والى مش عاجبه الباب يفوت جمل ..او لو مش عاجبك طلقنى ..او الكلام الى زى .......
فيه طباع غير مؤذية ليك انت شخصيا ...دى لازم تقبلها مش من حقك تطالب بتغييرها
يعنى لما واحدة تشتكى ان جوزها مثلا مرتبط اوى باخواته و بيحبهم ..طب انت ولا مؤاخذة مضرورة فى ايه ؟
والا واحد يشتكى ان مراته بتحب تروح لاهلها كتير ..طب و سيادتك يعنى مضرور فى ايه ؟
والا واحدة تشتكى ان جوزها مقفل و غير اجتماعى ...طب انت ايه الى مزعلك ؟
والا واحد يشتكى ان مراتى بتتكلم مع اصحابها كتير ..طب و انت ايه حشرك بينها و بين اصحابها يعنى
طالما انت لايقع عليك ضرر مباشر من طبع معين ..يبقى مش من حقك تشتكى منه او انك تطالب بتغييره
لكن لو سبب ليك ضرر ما ..يبقى مش ترفض الطبع كله ..ارفض الضرر
يعنى لو ذهاب مراتك لاهلها بيأثر على البيت قل لها كدة انا مش رافض مرواحك ..بس رافض التقصير فى البيت
لو حب جوزك لاخواته وهو مقصر فى حبه ليكى ..قوليله كذا تحديدا ..انا متضايقة من تقصيرك فى الاهتمام بى
ليست هناك تعليقات:
إرسال تعليق