الوصول الى السعادة طريق شاقة :
اولا : لازم تقنع نفسك ان سعادتك بايديك انت مش بإيد حد تانى
ثانيا : اعد أفكر ايه الحاجة الى لما بعملها بحس بسعادة ..
الحاجة الى انا بعملها انا ...مش حد تانى بيعملها لى ..
انا مثلا بحب القراءة و الكتابة و الرياضة و التأمل و التعبير عن مشاعرى لاهل بيتى و اصدقائى و احبابى و العمل التطوعى
و دى هكتر منها و احطها كأولويات فى حياتى ..لانها بتدينى احساس جميل بالسعادة
ثالثا : ايه المنغصات الى فى حياتى والى مخلية حياتى صعبة
فيه مشكلات مالهاش حل ..او الحل مش بإيدى .....زى طبائع شريك الحياة الصعبة ..زى مشاكل الاولاد التى لا تنتهى ...زى مشاكل الاهل ...مشاكل العمل المزمنة ..مشاكل اجتماعية عامة (مثلا زحام المواصلات و التلوث الاخلاقى ) ..زى المشكلات السياسية
يبقى خلاص اتكيف معاها و اتعايش معاها ....
ولما يحصل موقف جديد هتضايق اكيد .....بس هحاول ما اتضايقش كتير احاول ما فكرش فيها كتير لانها مش هتتصلح ..و احاول احجم تأثيره بحاجة من الى بتسعدنى ..اجرى على العلاج علطول
دى بتكون عاملة زى الامراض المزمنة ...زى السكر و الضغط كدة ...باخد علاج يقلل من أثرها على جسمى و يعادل تأثيرها على حياتى بقدر الامكان ..لكن مش هيحلها
مع الدعاء ان ربنا يجيب الشفاء من عنده
فيه مشكلات ليها حلول و حلها فى ايدى..و دى زى الامراض الحادة زى الانفلونزا و النزلات المعوية ...باخد العلاج بتخف ...يبقى ابادر بالحل بسرعة بدون تسويف
دا الى انا عملته علشان احس بالسعادة
ليست هناك تعليقات:
إرسال تعليق