الصالونات وسيلة للتعارف زى زمالة الدراسة و العمل و الفيس بوك و غيرها من الوسائل الى ممكن يتعرفوا بيها على بعض
مشكلة جواز الصالونات ان الاهل بيعتبروا ان اى حد بيتقدم لبنتهم يبقى خلاص عايز يتجوزها
مع ان دا غلط
هو جاى البيت يتعرف عليها بدل ما يتعرف عليها من الأبواب الخلفية من وراكم
ولازم تسمحوا بفترة تعارف طويلة قبل ماتعملوا اى اجراء
لحد ما الاتنين يرتاحوا بنسبة كبيرة ابدأوا فى اجراءات الخطوبة
و انا أفضل ان تكون الخطوبة بسيطة يعنى بدون تكاليف كبيرة علشان يبقى سهل التراجع فيها لو حصلت مشاكل
المشكلة بتحصل لما يتعامل الأهالى مع الخطوبة على انها اجراءات اعداد للزواج
الأهل عايزين يجوزوا ابنهم بدل ما ينحرف عايزينه يستقر ..و أهى أى واحدة كويسة و السلام
عايزين يجوزوا البنت علشان يستروها و يفرحوا بيها ..المهم حد كويس و السلام
بدون أن ننتظر هل حصل حب بينهم و الا لأ ..
هل فيه تفاهم بينهم و الا كل شوية خناقات و زعل على حاجات تافهة
هل فيه قبول و ارتياح و اعجاب و اقتناع
الزواج من أجل الزواج فقط عذاب للطرفين
حتى فى تعارف الصالونات ...
لاتقدموا أبدا على الزواج ..إلا إذا دق القلب و اقتنع العقل و اتوجدت الرغبة فى التقارب
حينها ابدأوا فى الاعداد الزواج
ليست هناك تعليقات:
إرسال تعليق