ليه بنبص للانسان الى عايز يطلع نفسه من حالة الكآبة بعمل لذيذ و لطيف
انه معندوش دم ؟
هو انا لازم اعد اعيط و اسوط و الطم و اصرخ علشان يبقى عندى دم ؟
زعلت و اتقهرت و عيطت ...
وبعدين قلت لنفسى طب هتستفيدى ايه ؟
هل المشاعر دى هتحل المشكلة ؟
طب و هفيد الى حوالىّ بإيه ؟
لو انا قريب من حد مات ....
ماشى هراعى مشاعره و مش هسمح بأى مظاهر فرح مراعاة لمشاعره
بس انى أحس فى قرارة نفسى بالذنب
لو انا خرجت و اتفسحت و عملت شوبنج
والا فتحت فيلم كوميدى و قعدت اتفرج عليه
والا جبت لنفسى شوكولاته و ايس كريم
والا رحت درس رقص او ايروبكس
اوعى تحس بالذنب لما تحاول تجيب الضحكة
مش هو دا المطلوب منك علشان تكون انسان انك تكون مكشر و مكتئب و قاعد تشتم و تلعن
مطلوب منك افعال مش معاناة
مطلوب منك تساعد لو تقدر تساعد
مطلوب منك تتعاطف و تتراحم لو تقدر على كدة
لكن لو مش هتقدر تعمل حاجة من دى
اخرج من المعاناة و الألم فى أسرع وقت ممكن
و أوعى تحس بالذنب
و أوعى تتكسف ان حد يقول عليك انك معندكش دم
افعل ماتراه الصالح لك و لاسرتك و حتى لبلدك ...
بلدك مش هتستفيد حاجة من حزنك و شتيمتك و قلة أدبك
بس ممكن تفيدها بابتسامتك و اخلاقك و ذوقك
فان الخلق عدوى ..
زى ما قلة الادب عدوى برده
ليست هناك تعليقات:
إرسال تعليق