لان السياسة عند الرجل بتحدد المستقبل ..مستقبله و مستقبل اسرته
و الرجل يشعر بالهم و الغم و الكرب عندما يجد المستقبل غير مبشر
ولما بيحس انه قليل الحيلة و مش عارف يعمل حاجة
بيعد يفكر فى ميت حاجة
طب انا بجيب لهم مصريفهم دلوقت بالعافية
امال لما مصاريفهم تزيد لما يكبروا هجيب منين
طب هعلمهم ازاى
طب هجوزهم ازاى
طب هجيب لهم شغل منين
ياسلام كمان لما بيكون مؤيد او معارض ..
و داخل فى الصراع السياسى بتقله ...
بيحس بالظبط زى الفريق بتاعه الى بيشجعه لما ينهزم
بيحس بالهزيمة الداخلية ..وكما لو انه هو المهزوم شخصيا
راعوا أزواجك فى اوقات الانكسار
وكونوا لهم السند و الداعم
شجعوهم و ادولهم الثقة فى نفسهم و ثقتكم فيهم
حفزوهم و حاولوا تخرجوهم من جو الكآبة دى بأى نشاط مختلف محبب ليهم
فى لحظات الهزيمة ...كونوا لهم السكن و الحضن و الدفء
بلاش شغل الكآبة انتى كمان
بلاش شغل القلق من المستقبل هو مش ناقص
بلاش شغل اللوم والنقد و النصح و الارشاد
اقفلوا التليفزيون و اعملوا حاجة مبهجة
ليست هناك تعليقات:
إرسال تعليق