لما يبدأ فى سن ابتدائى ..لازم يبدأ يتحمل بعض مسئوليات البيت
يعنى تحسسيه انه راجل و مسئول
ابدئى بحاجات صغيرة زى مسئولية العيش مثلا ..هو المسئول عن احضار الخبز اليومى
ممكن ينزل يشتريلك حاجات من السوبر ماركت او سوق الخضار
ممكن يروح يدفع فواتير
خليه يحط الغسيل فى الغسالة و ينشر و يلم و يطوى الغسيل
شجعيه و حفزيه و امدحى فيه انه راجل و مسئول و بيساعدك
لو حاجة يعرف يصلحها اديها له يصلحها
ابدئى كمان تخليه يتحمل مسئولية اخواته الصغيرين
ممكن ياحبيبى ترضع اختك ..ممكن تدخل اخوك الحمام ..ممكن تلبس اختك الحذاء ..ممكن تساعد اخوك فى عمل الواجب
بالتدريج هيحس انه مش مسئول عن نفسه بس
دا مسئول عن البيت
و مسئول عن اخواته كمان
و المسئولية ليست مادية بس ..دى مسئولية عاطفية كمان
اختك النهاردة جاية زعلانة ممكن تدخل تشوف مالها
اخوك النهاردة متنرفز اوى ممكن تتكلم معاه
حبيبى لما تلاقينى متضايقة تعالى اسألنى و طبطب على و بوسنى و احضنى ....علشان يتعلم يعمل كدة مع مراته و تدعيلك دعوتين فى كبرك
دربيه من دلوقت على انه هيكون راجل مسئول و مشارك فى اقامة بيته
ليست هناك تعليقات:
إرسال تعليق