الراجل قادر على الكسب
سألت أحد الأطفال مرة و التى تشكو أمه من مصروفه الزائد و طلباته التى لا تنتهى ...سألته : انت عارف الفلوس بتيجى منين ؟
رد الطفل : من الماكنة ..يقصد ماكنة الفلوس
لازم الطفل من صغره يعرف ان الفلوس الى بنتشترى بيها طلباتنا دى جاية نتيجة تعب و جهد و مشقة باباه أو باباه و مامته
لازم يزور باباه مرة فى الشغل و يفهمه طبيعة العمل الى هو بيعمله كل يوم علشان يكسب فلوس
و لازم يزور مامته (لو بتشتغل ) و يفهم ازاى هى بتتعب علشان تيجى الفلوس
يعنى يبقى راسخ فى ذهنه ارتباط الكسب بالعمل و الجهد و المشقة
دى نقطة
النقطة التانية : انه لازم يفهم ان مش كل الى احنا عايزينه لازم نجيبه ...و مش كل رغباتنا لازم تكون مجابة ...لان الحياة لن تعطينا كل ما نرغب فيه (هى دى طبيعة الحياة )
لازم يتعود من صغره انه يكبح رغباته ...و يحدد اولوياتها
يعنى هنخرج نجيب حاجة حلوة واحدة بس ..مش كل الى عاوزه بيجيبه
هنخرج نجيب طقم واحد بس مش كل الى بيعجبه يشتريه
هنخرج نشترى لعبة واحدة بس مش كل الالعاب لازم تكون عنده
و مش لازم كل ما نخرج نشترى ...طالما مش عايزين حاجة مش هنشترى
الشراء ليس متعة
لما الطفل يتعود ان كل الى بيطلبه يحصل عليه ...طلباته بتزيد ...و مع الوقت بدال ما بيطلب لعبة و الا كيس شيبشى هيطلب عربية آخر موديل و فيلا يتجوز فيها
لم يقنع ابدا بما لديه و دايما هيكون عنده شره للمزيد
ربى ابنك على ان الفلوس دى بتيجى بتعب
و على ان انفاقها لابد ان يكون بتوسط
ليست هناك تعليقات:
إرسال تعليق