لماذا يفشل المدمنون للقنوات الاباحية فى علاقتهم الجنسية بعد الزواج ؟
دراسة جديدة قرأت عنها و كان الأسباب كالآتى :
- القنوات الاباحية تربط بين الشكل و الاثارة
يعنى بتخلى الشكل و الحركات هى الطريقة الوحيدة للاثارة
و بالتالى طول ما المدمن شايف مراته بمنظهرها الطبيعى و من غير حركات فهى لاتثيره ...
فيلجأ الى هذه القنوات للاثارة ثم يفرغ شهوته فى مراته كما لو انها مرحاض ..دون أى مراعاة ليها هى شخصيا
الاثارة الطبيعية ممكن تيجى من نظرة ..من كلمة ..من تصرف نبيل تشعر معه بالحب ...من لمسة ..من حوار رائع تشعر معه بالتفاهم
- القنوات تجعل العلاقة الجنسية مجرد علاقة جسدية ..التقاء عضوين فى جسدين ..و هذا يفرغ العلاقة الجنسية من معناها الرائع
العلاقة الجسدية دى بتحصل بين حيوانات مايعرفوش بعض
او بين اتنين مايعرفوش حتى اسم بعض عند الاجانب الى عندهم حرية جنسية ..بتكون علاقة ليلة و تعدى
العلاقة الجنسية المشبعة بين المتزوجين بتكون التقاء عقلين و قلبين و روحين
ممكن تبتدى بحوار ظريف ..بذكريات حلوة ..باثارة مشاعر الحب و الشوق و اللهفة ينتهى بلقاء جسدى يشعران فيه انهما اصبحا جسدا واحدا و روحا تحلق فوق الزمان و المكان
فيها اشباع عاطفى و نفسى اكتر من مجرد الاشباع الجسدى فقط
الاحساس برغبة الآخر فيك احساس جميل
الاحساس برغبته فى التقارب معك و التداخل بينكما احساس ممتع
الاحساس انكم انتم الاتنين مستمتعين و مبسوطين و حابين اللقاء
غير خالص نهائى الاحساس انك عايز تفرغ شهوتك و التانى بيعملها أداء للواجب و بس
- القنوات تظهر اثنين حدثت لهم الاثارة بالفعل
لكن فى العلاقة الطبيعية ان حدثت الاثارة لاحدهما فهو يحتاج لاثارة الآخر
و تهيئته و اعداده نفسيا قبل جسديا ..
يعنى مايبقاش شايل فى قلبه منك مثلا ..مايبقاش زعلان و قرفان ..مايبقاش تعبان و مرهق ....لازم تراعى مشاعره او تحاول تداويها و تبدلها حتى تستمتع بالفعل بجمال العلاقة
- القنوات تركز على امتاع الآخر ...يعنى تلاقى نساء بيشتغلوا على راجل لامتاعه او العكس
و غالبا ما ينشد الرجل ما يراه و يطلب من زوجته انها تعمل كدة ..و يهمل تماما امتاعها هى ايضا
طلباتك من مراتك وهى غير مثارة زى بالظبط لما تطلب منها أكلة انت بتحبها و هى زعلانه منك
هى ممكن تنفذ طلبك
بس لما بتنفذه بقرف و تململ ..غير لما تنفذه بحب و رغبة حقيقية انها تسعدك
انت نفسك بتحس بيها اكيد
حتى لو عملت الى انت عايزه ...بس عمرك ماهتحس بحبها ليك
والاحساس دا اكثر ما يمتع الرجل فى العلاقة احساسه ان مراته عايزة تسعده
دا غير قمة المتعة الى بيحسسك فعلا برجولتك انها تخرج من العلاقة و هى مستمتعة و مبسوطة
الرجولة مش بقوة العضو الذكرى الرجولة بقدرتك على اسعادها و امتاعها
وأنا بقول : يأبى المولى عز وجل ان يسعد انسان بمعصية ربنا
طول ما انت بتمتع عينك بالحرام عمرك ما هتحس بمتعة الحلال
ومهما حاولت تتجنب الاسباب دى ..و الله برده ماهتحس بالمتعة
هى كدة ..دا قانون ربنا
(و من أعرض عن ذكرى فان له معيشة ضنكا )
ليست هناك تعليقات:
إرسال تعليق