(وَلَن تَسْتَطِيعُوا أَن تَعْدِلُوا بَيْنَ النِّسَاءِ وَلَوْ حَرَصْتُمْ ۖ فَلَا تَمِيلُوا كُلَّ الْمَيْلِ فَتَذَرُوهَا كَالْمُعَلَّقَةِ ۚ وَإِن تُصْلِحُوا وَتَتَّقُوا فَإِنَّ اللَّهَ كَانَ غَفُورًا رَّحِيمًا )
ما اكثر ما نشاهد هذه المعلقة فى هذه الايام ..حتى وان لم يتزوج عليها
سايبها معلقة و قاعد يتفرج على مواقع و قنوات اباحية
سايبها معلقة وقاعد طول النهار على الشات يتكلم مع بنات
ساسيبها معلقة و قاعد يحب على الفيس واحدة تانية
سايبها معلقة و طول النهار بيدور على زوجة تانية
وأول ما يتجوز يرميها و اولادها و كتر خيره لو بعت كل شهر مصروفهم بس ..دى كمان بتكون معلقة بعيالها
دا ممكن سايبها معلقة و قاعد طول النهار يلعب بلاى ستيشن و على القهوة مع اصحابه
نهانا ربنا جل و علا عن ان تترك الزوجة معلقة ....
لاهى متزوجة رجل و شريك حياة ..
و لا هى مطلقة بحيث تبحث عن شريك آخر
لان دا خطر بالغ عليها ممكن يدفعها للخيانة
و ما أسهل الخيانة فى هذا الزمان بعد سهولة التواصل الاجتماعى
العدل فى الميل القلبى مستحيل و هذا ما يذكره القرآن ..لان الحب لا ارادة لنا فيه
لكن الى فى القلب حاجة .....و التصرفات و المسئولية حاجة تانية
كان رسول الله صلى الله عليه و سلم يحب عائشة اكثر ...
و لكنه كان عادلا فى السلوك و التصرفات و لم يحابيها يوما على باقى زوجاته
ممكن متكونش بتحبها ...بس محدش ضربك على ايدك و اجبرك انك تتجوزها
هى ممكن ماتكونش حب حياتك ..بس هى مسئوليتك ..و انت مسئول عن اشباعها عاطفيا و نفسيا
حضرتك ممكن تتزوج و تحب واحدة تانية
طب المعلقة دى ....هتلبى احتياجاتها ازاى ؟؟؟
كن صادق مع نفسك ..و صادق معاها ..اما امساك بمعروف او تسريح باحسان
فهى من حقها برده أن تعيش سعيدة
ليست هناك تعليقات:
إرسال تعليق