مشكلة تتزايد معدلاتها بشكل ينذر بالخطر الشديد
زوجات محترمات و عايشة فى حرمان عاطفى
تشوف واحد طول النهار على الفيس بيكتب أشعار عن الحب ...او يشيرها
أو بيكتب كلمات عاطفية او يشيرها
أو بيكتب عن كيف يتعامل الرجل الحنون العاطفى مع حبيبته ..أو يشيرها
او المفروض الزوج يتفهم مشاعر زوجته ازاى ..و يتعامل معاها برقة ازاى
و عاطى صورة عن نفسه انه سيد العاتشفى
او يمكن محروم هو كمان
او يمكن صائد للنساء و عارف ان الاسلوب دا هيوقع سمك كتير
يعنى بتلاقى كل اهتماماته فى الجزئية الى هى ناقصاها
فيبدأ الموضوع بالملاحظة ..ثم الاعجاب ..ثم لايكات ..ثم كومنتات ...ثم بالشات .....و نبدأ ندخل فى الحب على الفيس
الى ممكن يتطور الى تليفونات و لقاءات ثم الخيانة الكاملة
ممكن الكلام يفضل محترم بينهم و دى الست المحترمة ...وممكن يتطور الى كلام عاطفى ..و ممكن يوصل لكلام وسخ
المصيبة ان النساء المحترمات زمان لما كانت بتقع فى هذا الامر كان بيبقى عندها احساس بالذنب الرهيب
دلوقت النساء بقت بتلاقى الاعذار لنفسها ..طالما ما بتعملش حاجة غلط و بتسميها صداقة بريئة و هى نار الحب و الشوق و اللهفة مشتعلة داخلها
أغرب قصة وردت لى على الفيس من حوالى سنتين
واحدة بتشتكى من جوزها من خيانته الالكترونية ...و رديت عليها
و بعدها بكام شهر لقيت واحد باعتلى ان اكتشف ان مراته بتحب واحد على الفيس و هو مش عارف يعمل ايه
و قدرا بدخل البروفايل بتاعه اكتشف ان زوجته هى الى اشتكت قبل كدة منه
أقول لمن يمارس الخيانة الالكترونية اتقوا الله فى زوجاتكم
و اعلم الى انت بتعمله فى بنات الناس هيتعمل فى أهل بيتك ..زوجتك أو بنتك مستقبلا
و دا ممكن يدفع زوجتك بلا وعى للانتقام منك بانها تعمل زيك
و قديما قال الشاعر .. كان عارف القانون دا
عفوا تعف نساءكم في المحْرَمِ ****وتجنبـوا مـالا يليق بمسلـم
إن الزنـا دين إذا أقرضــته **** كان الوفا من أهل بيتك فاعلم
من يزنِ في قوم بألفي درهم **** في أهله يُـزنى بربـع الدرهم
من يزنِ يُزنَ به ولو بجـداره **** إن كنت يا هذا لبيباً فـافهـم
ياهاتكا حُـرَمَ الرجال وتابعـا**** طرق الفسـاد عشت غيرَ مكرم
لو كنت حُراً من سلالة ماجـدٍ**** ما كنت هتـّـاكاً لحرمة مسلمِ
و بقول للنساء اتقين الله
مش علشان انت محرومة و جعانة دا يديكى الحق انك تسرقى
مش علشان انت بتتألمى دا يديكى الحق انك تنتحرى
مش علشان انت عطشانة تقومى تشربى خمرة
ابعدى هذا الانسان عنك مهما كان كلامكم محترم ...
لانك بتكونى ضعيفة اوى ادامه و ممكن تنساقى بسهولة للغلط بكل درجاته علشان ما يبعدش عنك
التواصل اليومى بينكم بيخليكى تتعلقى بيه و صعب تسيبيه ...
ولما بيهددك بالبعد ممكن تقدمى تنازلات كتيرة علشان مايبعدش
وربنا يستر على نساء هذا الزمان ..زمان الفيس
ليست هناك تعليقات:
إرسال تعليق